ఓవర్ సీస్ లో విశేషంగా ఆకట్టుకుంటున్న శతమానం భవతి..!
- IndiaGlitz, [Monday,January 16 2017]
శ‌ర్వానంద్, అనుప‌మ ప‌రమేశ్వ‌ర‌న్ జంట‌గా న‌టించిన క్లీన్ ఫ్యామిలీ ఎంట‌ర్ టైన‌ర్ శతమానం భవతి. ఈ చిత్రాన్ని వేగేశ్న స‌తీష్ తెర‌కెక్కించారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు ఈ చిత్రాన్ని నిర్మించారు. సంక్రాంతి కానుకగా శతమానం భవతి ఈనెల 14న ప్ర‌పంచ వ్యాప్తంగా రిలీజైంది. సంక్రాంతికి ఫ్యామిలీ అంతా క‌లిసి చూసే చిత్రంగా రూపొందిన శతమానం భవతి మూవీకి ఓవర్ సీస్ లో విశేషాద‌ర‌ణ ల‌భిస్తుంది. మ‌న ప‌ల్లెటూరు వాతావ‌ర‌ణాన్ని తెర పై ఆవిష్క‌రించ‌డం, బంధాలు, అనుబంధాలు నేప‌ధ్యంతో ఈ సినిమాతో తెర‌కెక్క‌డంతో ఓవర్ సీస్ ఆడియోన్స్ కు బాగా న‌చ్చింది. దీంతో ఫీల్ గుడ్ మూవీ చూసిన ఫీలింగ్ క‌లిగిస్తుందీ చిత్రం. అక్క‌డ ఫ‌స్ట్ డే దాదాపు 3 కోట్లు వ‌సూలు చేసింది.