ఇప్పుడున్న యంగ్ హీరోస్‌లో హీరో నాని సేఫ్ జోన్ హీరోగా నిలిచాడు. అందుకే నిర్మాత‌లంద‌రూ నానితో సినిమాలు చేయాల‌ని భావిస్తున్నారు. ఇప్పుడు అలాగే వ‌రుస స‌క్సెస్‌లు సాధిస్తున్న హీరోల్లో శ‌ర్వానంద్ ఒక‌డు. రీసెంట్‌గా శ‌త‌మానం భ‌వ‌తి స‌క్సెస్‌తో నిర్మాత‌లంద‌రి దృష్టి శ‌ర్వానంద్‌పై ప‌డింది. ప్ర‌స్తుతం శ‌ర్వానంద్‌, బి.వి.ఎస్‌.ఎన్‌.ప్ర‌సాద్ నిర్మాత‌గా వెంకీ అట్లూరి ద‌ర్శ‌క‌త్వంలో ఓ సినిమా చేస్తుండ‌గా, మారుతి ద‌ర్శ‌క‌త్వంలో మ‌హానుభావుడు సినిమా లైన్‌లో ఉంది.

ఇప్పుడు ఈ రెండు సినిమాలు కాకుండా శ‌ర్వానంద్ కొత్త సినిమా చేయ‌డానికి రెడీ అయ్యాడు. ఆ డైరెక్ట‌ర్ ఎవ‌రో కాదు, విరించి వ‌ర్మ‌. ఉయ్యాలా జంపాలా సినిమా త‌ర్వాత మ‌జ్నుతో స‌క్సెస్ సాధించిన విరించి వ‌ర్మ చెప్పిన పాయింట్ న‌చ్చ‌డంతో శ‌ర్వానంద్ ప్రాజెక్ట్‌కు గ్రీన్‌సిగ్న‌ల్ ఇచ్చాడ‌ట‌. త్వ‌ర‌లోనే ఈ సినిమాకు సంబంధించిన‌ ప్రీ ప్రొడ‌క్ష‌న్ ప‌నులు ప్రారంభం కానున్నాయి.