శ‌ర్వానంద్, సాయి ప‌ల్ల‌వి జంట‌గా హను రాఘ‌వ‌పూడి దర్శకత్వంలో రూపొందుతున్న చిత్రం ‘ప‌డిప‌డి లేచె మ‌న‌సు’. క‌ల‌క‌త్తా నేప‌థ్యంలో రూపొందుతున్న ఈ ప్రేమ‌క‌థా చిత్రంలో.. శ‌ర్వా, సాయి ప‌ల్ల‌వి మ‌ధ్య సాగే స‌న్నివేశాలు యువ‌త‌ను అల‌రిస్తాయ‌ని చిత్ర బృందం పేర్కొంటోంది. అలాగే శ‌ర్వా, ప‌ల్ల‌వి మ‌ధ్య కెమిస్ట్రీ కూడా బాగా కుదిరింద‌ని స‌మాచారం. ఇదిలా ఉంటే.. ఈ సినిమా విడుద‌ల‌కు ముందే శ‌ర్వానంద్‌, సాయి ప‌ల్ల‌వి కాంబోలో మ‌రో సినిమా ప‌ట్టాలెక్క‌నుంద‌ని గ‌త కొద్ది రోజులుగా వార్త‌లు వినిపిస్తున్న సంగ‌తి తెలిసిందే.

‘నీదీ నాదీ ఒకే కథ’ దర్శకుడు వేణు ఊడుగుల డైరెక్ష‌న్‌లో ఈ సినిమా తెర‌కెక్క‌నుంది. తాజా స‌మాచారం ప్ర‌కారం.. ఈ సినిమాకి ‘విరాటపర్వం 1992’ అనే పేరుని ప‌రిశీలిస్తున్నారని తెలుస్తోంది. ఆస‌క్తిక‌ర‌మైన క‌థ‌, క‌థ‌నాల‌తో తెర‌కెక్క‌నున్న ఈ సినిమాలో హీరోహీరోయిన్ల మధ్య వచ్చే సన్నివేశాలు హృదయానికీ హత్తుకునేలా ఉంటాయ‌ని స‌మాచారం. త్వ‌ర‌లోనే ఈ చిత్రానికి సంబంధించిన పూర్తి వివ‌రాలు వెల్ల‌డికానున్నాయి.