శర్వా కొత్త సినిమా టైటిల్
- IndiaGlitz, [Thursday,January 25 2018]
'మ‌హానుభావుడు'తో గ‌త సెప్టెంబ‌ర్‌లో స‌క్సెస్‌ను ఖాతాలో మ‌రో విజ‌యాన్ని వేసుకున్నారు యువ కథానాయకుడు శ‌ర్వానంద్‌. ప్ర‌స్తుతం సుధీర్ వ‌ర్మ ద‌ర్శ‌క‌త్వంలో ఓ సినిమా చేస్తున్నారు శ‌ర్వానంద్‌. ఇందులో ఆయ‌న ద్విపాత్రాభిన‌యం చేస్తున్న‌ట్లు వార్త‌లు వినిపిస్తున్నాయి. ఈ చిత్రంతో పాటే మ‌రో సినిమా చేసేందుకు శర్వా ప్లాన్‌ చేస్తున్నాడు. అందాల రాక్ష‌సి, కృష్ణ‌గాడి వీర‌ప్రేమ‌గాధ, లై చిత్రాల దర్శకుడు హ‌ను రాఘ‌వ‌పూడి ద‌ర్శ‌క‌త్వంలో ఈ సినిమా తెర‌కెక్కుతుంది. విన‌ప‌డుతున్న వార్త‌లు ప్ర‌కారం ఈ సినిమాకు 'ప‌డి ప‌డి లేచేనె మ‌న‌సు' అనే టైటిల్ పరిశీల‌న‌లో ఉన్న‌ట్లు స‌మాచారం.
రొమాంటిక్ ఎంట‌ర్‌టైన‌ర్‌గా రూపొంద‌నున్న ఈ సినిమాలో శ‌ర్వానంద్‌తో సాయిప‌ల్ల‌విని హీరోయిన్‌గా న‌టిస్తుంది. 'ఫిదా'తో తెలుగు తెర‌కు ప‌రిచ‌య‌మైన సాయి ప‌ల్ల‌వి.. ప్ర‌స్తుతం నేచుర‌ల్ స్టార్ నానికి జోడీగా ఎం.సి.ఎ చేసి స‌క్సెస్ సాధించింది. అలాగే తెలుగు, త‌మిళ భాష‌ల్లో రూపొందుతున్న ద్విభాషా చిత్రం 'క‌ణం'లోనూ నాగ‌శౌర్య‌కి జోడీగా న‌టిస్తోంది. ఇందులో 4 ఏళ్ల పాప‌కి త‌ల్లి పాత్ర‌లో సాయి ప‌ల్ల‌వి క‌నిపించ‌నుంది. అలాగే ధ‌నుష్ హీరోగా రూపొందుతున్న ద్విభాషా చిత్రంలోనూ సాయి ప‌ల్ల‌వి క‌థానాయిక‌గా ఎంపికైంది.