టైటిల్ వేట‌లో శర్వానంద్ సినిమా
- IndiaGlitz, [Sunday,May 12 2019]
శర్వానంద్, సుధీర్ వ‌ర్మ కాంబినేష‌న్‌లో ఓ సినిమా రూపొందుతోన్న సంగ‌తి తెలిసిందే. కాజ‌ల్ అగ‌ర్వాల్ క‌ల్యాణి ప్రియ‌ద‌ర్శ‌న్ హీరోయిన్స్‌. ఇందులో శర్వానంద్ గ్యాంగ్‌స్టర్ పాత్ర‌లో క‌నిపించ‌బోతున్నారు. సినిమా నిర్మాణాంత‌ర కార్య‌క్ర‌మాల‌ను జ‌రుపుకుంటోంది. ఈ సినిమాను వీలైనంత త్వ‌ర‌గా ప్రేక్ష‌కుల ముందుకు తీసుకు రావాల‌ని ద‌ర్శ‌క నిర్మాలు యోచిస్తున్నారు. ప్ర‌మోష‌న్స్‌కు వెళ్ల‌డానికి ముందుగా సినిమా టైటిల్‌ను నిర్ణ‌యించాలి క‌దా! ఏటైటిల్ పెడితే బావుంటుందా? అని త‌ర్జ‌న భ‌ర్జ‌న‌లు ప‌డుతున్నారు. ముందుగా దీనికి ద‌ళ‌ప‌తి అనే టైటిల్ విన‌ప‌డినా.. ఆ టైటిల్‌ను మ‌రొక‌రు రిజిష్ట‌ర్ చేసి ఉండ‌టంతో ఏ టైటిల్ పెట్టాల‌నే దానిపై ఇంకా నిర్ణ‌యం తీసుకోలేదు. త్వ‌ర‌లోనే ఈసినిమాకు సంబంధించిన అధికారిక స‌మాచారం వెలువ‌డ‌నుంది.