ర‌న్ రాజా ర‌న్‌, మ‌ళ్లీ మ‌ళ్లీ ఇది రాని రోజు, ఎక్స్‌ప్రెస్ రాజా, శ‌త‌మానం భ‌వ‌తి ఇలా వ‌రుస విజయాల‌ను సాధిస్తున్న హీరో శ‌ర్వానంద్‌. ప్ర‌స్తుతం మారుతి ద‌ర్శ‌క‌త్వంలో మ‌హానుభావుడు సినిమా చేస్తున్నాడు. త్వ‌ర‌లోనే శ‌ర్వానంద్ సుధీర్ వ‌ర్మ ద‌ర్శ‌క‌త్వంలో ఓ సినిమా చేయ‌బోతున్నాడు. స్వామిరారాతో ద‌ర్శ‌కుడిగా మంచి పేరు తెచ్చుకున్న సుధీర్ వ‌ర్మ త‌ర్వాత చైత‌న్య‌తో చేసిన దోచెయ్‌తో అప‌జ‌యాన్ని మూట‌గ‌ట్టుకున్నాడు. నిఖిల్ కేశ‌వ‌తో రీసెంట్‌గా హిట్ అందుకున్నాడు.

ఇప్పుడు శ‌ర్వానంద్‌, సుధీర్ వ‌ర్మ కాంబినేష‌న్‌లో చేయ‌బోతున్న సినిమాలో శ‌ర్వానంద్ మ‌రోసారి విల‌క్ష‌ణ‌మైన పాత్ర‌లో క‌న‌ప‌డబోతున్నాడ‌ట‌. నాయ‌కుడు సినిమాలో క‌మ‌ల్ హాస‌న్ వ‌య‌సు మ‌ళ్లిన పాత్ర‌లో న‌టించిన విధంగానే శ‌ర్వానంద్ వ‌య‌సు మ‌ళ్లిన పాత్ర‌లో న‌టిస్తున్నాడ‌ట‌. క‌చ్చితంగా శ‌ర్వానంద్ త‌న‌కు ఈ పాత్ర చాలా మంచి పేరు తెస్తుంద‌ని గ‌ట్టి న‌మ్మ‌కంతో ఉన్నాడు.