శర్వాకి చిరు సెంటిమెంట్ మరోసారి కలిసొచ్చేనా?
- IndiaGlitz, [Wednesday,March 07 2018]
ఇప్పటి తెలుగు హీరోలకి 90వ దశకంలో వచ్చిన మెగాస్టార్ చిరంజీవి పాటలను రీమిక్స్ చేయడం పరిపాటైపోయింది. కాని వీళ్ళకి భిన్నంగా వెళ్తున్నారు యువ కథానాయకుడు శర్వానంద్. కాస్త వివ‌రాల్లోకి వెళితే.. హను రాఘవపూడి డైరెక్షన్లో శర్వానంద్, సాయిపల్లవి జంటగా ఓ మూవీ తెరకెక్కుతున్న విషయం తెలిసిందే. ప్రస్తుతం చిత్రీకరణ శరవేగంగా జరుపుకుంటోంది ఈ చిత్రం. ఆర్మీ నేపథ్యంలో సాగే ఈ రొమాంటిక్ లవ్ స్టొరీకి పడి పడి లేచె మనసు' అనే టైటిల్‌ను ఖరారు చేసింది చిత్ర బృందం.
1989లో చిరంజీవి నటించిన లంకేశ్వరుడు' చిత్రంలోని “పదహారేళ్ళ వయసు, పడి పడి లేచె మనసు” పాట పల్లవిలోని లైన్‌నే ఇప్పుడు శర్వానంద్ చిత్రానికి టైటిల్‌గా వాడుకున్నారు. ఇలాగే.. గతంలో చిరంజీవి నటించిన రాక్షసుడు' సినిమాలోని “మళ్ళీ మళ్ళీ ఇది రాని రోజు” పాట పల్లవిలోని వాక్యాన్ని తన సినిమా టైటిల్ గా పెట్టుకున్నారు శర్వానంద్. క్రీడా నేపథ్యంలో తెరకెక్కిన ఈ చిత్రంలో శర్వాకు జంటగా నిత్యమీనన్ నటించారు. 2014లో విడుదలైన ఈ చిత్రం విమర్శకుల ప్రశంసలు సైతం అందుకుని విజయం సాధించింది. ఈ నేపథ్యంలో.. చిరంజీవి పాట‌లోని ప‌ల్ల‌వితో వ‌స్తున్న టైటిల్.. శర్వానంద్‌కు రెండో సారి కూడా విజయాన్నందిస్తుందేమో చూడాలి.