శర్వానంద్ 25వ సినిమా ఓవర్ సీస్ హక్కులను
- IndiaGlitz, [Wednesday,August 17 2016]
రన్‌రాజారన్‌, మళ్ళీ మళ్ళీ ఇది రానిరోజు, ఎక్స్‌ప్రెస్‌ రాజా వంటి సూపర్‌హిట్‌ చిత్రాలతో హ్యాట్రిక్‌ సాధించిన హీరో శర్వానంద్ కథానాయకుడిగా, భలే భలే మగాడివోయ్‌, సోగ్గాడే చిన్ని నాయనా చిత్రాల హీరోయిన్‌ లావణ్య త్రిపాఠి కథానాయికగా, ఛత్రపతి, డార్లింగ్‌, అత్తారింటికి దారేది, నాన్నకు ప్రేమతో వంటి సూపర్‌హిట్‌ చిత్రాలను నిర్మించిన భారీ నిర్మాత బి.వి.ఎస్.ఎన్‌.ప్రసాద్‌ ఓ భారీ చిత్రాన్ని నిర్మిస్తున్న సంగతి తెలిసిందే.
భోగవల్లి బాపినీడు సమర్పణలో శ్రీ వెంకటేశ్వర సినీ చిత్ర ఎల్‌ఎల్‌పి పతాకంపై 'డార్లింగ్‌' చిత్రానికి కరుణాకరన్‌ వద్ద అసోసియేట్‌గా వర్క్‌ చేసిన చంద్రమోహన్‌ చింతాడ దర్శకత్వంలో ప్రొడక్షన్‌ నెం.23గా ఈ చిత్రం రూపొందుతుంది. పస్తుతం చిత్రీకరణ దశలో ఉన్న ఈ చిత్రం శర్వానంద్ కు 25వ చిత్రం. ఈ చిత్ర నిర్మాణ దశలో ఉండగానే సినిమాపై ఏర్పడిన క్రేజ్ తో యు.ఎస్ లో సినిమా డిస్ట్రిబ్యూట్ హక్కులను నిర్వాణ సినిమాస్ సంస్థ చేజిక్కించుకుంది.