பாலிவுட் சூப்பர் ஸ்டார் ஷாருக்கான் அவர்களுக்கு தமிழ் நட்சத்திரங்கள் மீது மதிப்பும் மரியாதையும் உள்ளது என்பது அனைவரும் அறிந்ததே. விஜய் விருது நிகழ்ச்சியில் கலந்து கொள்வது, கமல் ரஜினியுடன் நட்புடன் இருப்பது உள்பட அவரது தமிழக தொடர்பை விவரித்து கொண்டே போகலாம்.

மேலும் அட்லி இயக்கும் அடுத்த படத்தில் ஷாருக்கான் நடிக்கவிருப்பதாகவும் ஒரு வதந்தி பரவி வருகிறது. இந்த நிலையில் சமூக வலைத்தளத்தில் ரசிகர்களின் கேள்விகளுக்கு பதிலளித்த ஷாருக்கான், ’எதிர்காலத்தில் தமிழ் படம் ஒன்றை இயக்கும் திட்டம் இருப்பதாக தெரிவித்தார். அவ்வாறு ஷாருக்கான் தமிழ்ப்படம் இயக்கினால் அந்த படத்தின் ஹீரோ யாராக இருக்கும் என்பது குறித்து ரசிகர்கள் தங்கள் கற்பனைகளை தெரிவித்து வருகின்றனர்.

மேலும் அஜித், விஜய், தனுஷ் குறித்த கேள்விகளுக்கு பதிலளித்த ஷாருக்கான், ‘அஜித் தனது நண்பர் என்றும் விஜய் அருமையானவர் என்றும் தனுஷை நான் நேசிக்கின்றேன்’ என்றும் தெரிவித்தார்.