கே.வி.ஆனந்த் பாணியை கடைபிடிக்கும் அறிமுக இயக்குனர்
- IndiaGlitz, [Sunday,June 12 2016]
ஜீவா, கார்த்திகா நடிப்பில் பிரபல இயக்குனர் கே.வி.ஆனந்த் இயக்கிய வெற்றிபடமான 'கோ' திரைப்படத்தில் இடம் பெற்ற ஒரு பாடலில் கோலிவுட்டின் பல பிரபல நடிகர், நடிகைகள் நடித்திருப்பார்கள். தமிழ் சினிமாவில் புதிய முயற்சியாக கருதப்பட்ட இந்த பாடல் போலவே தற்போது அறிமுக இயக்குனர் அதிரூபன் இயக்கி வரும் 'முப்பரிமாணம்' என்ற படத்தில் ஒரு பாடல் தயாராகியுள்ளது.
இந்த பாடலில் 27 முன்னணி நட்சத்திரங்கள் நடித்துள்ளனர். ஜாக்கி ஷெராப், பிரபு, பாக்யராஜ், ரம்யா கிருஷ்ணன், ஆர்யா, ராதிகா, பூர்ணிமா, விவேக், பார்த்திபன், வெங்கட்பிரபு, விஜய் ஆண்டனி, பாபிசிம்ஹா, சங்கீதா மற்றும் கிருஷ் உள்ளிட்ட பலர் இந்த பாடலில் சிறப்பு தோற்றத்தில் நடித்துள்ளனர்.
ஜி.வி.பிரகாஷ் இசையமைத்துள்ள இந்த பாடலுக்கு பிருந்தா மாஸ்டர் நடனப்பயிற்சி அளித்துள்ளார். பிரமாண்ட செட் ஒன்றில் இந்த பாடல் சமீபத்தில் படமாக்கப்பட்டது. சாந்தனு, ஸ்ருஷ்டி டாங்கே முக்கிய வேடத்தில் நடிக்கும் இந்த படத்தில் தம்பிராமையா, அப்புக்குட்டி உள்ளிட்ட பலர் நடித்து வருகின்றனர்.