'శంకరాభరణం' ఆడియో సక్సెస్ మీట్
- IndiaGlitz, [Monday,November 09 2015]
నిఖిల్, నందిత జంట‌గా న‌టిస్తున్న చిత్రం శంకరాభరణం. ఈ చిత్రాన్ని నూత‌న ద‌ర్శ‌కుడు నంద‌న‌వ‌నం తెర‌కెక్కించారు. ఈ మూవీకి క‌థ, క‌థ‌నం, స్ర్కీన్ ప్లే అందించ‌డంతో పాటు చిత్ర స‌మ‌ర్ప‌కుడిగా కోన వెంక‌ట్ వ్య‌వ‌హ‌రిస్తుండ‌డం విశేషం. ఈ చిత్రాన్ని డిసెంబ‌ర్ 4న రిలీజ్ చేయ‌డానికి ప్లాన్ చేస్తున్నారు. అయితే శంకరాభరణం ఆడియో సక్సెస్ మీట్ ను వైజాగ్ లో భారీగా ప్లాన్ చేస్తున్నారు కోన టీమ్. ఈ నెల 15న జ‌రిగే ఆడియో సక్సెస్ మీట్ ను ప్రేక్ష‌కుల స‌మ‌క్షంలో ఘ‌నంగా నిర్వ‌హించ‌నున్నారు. బాలీవుడ్ హిట్ మూవీ ప‌స్ గ‌యారే ఒబామా ఆధారంగా శంకరాభరణం మూవీని రూపొందించారు. మ‌రి...వ‌రుస సక్సెస్ ల‌తో దూసుకెళుతున్న నిఖిల్ శంక‌రాభ‌ర‌ణంతో కూడా సక్సెస్ సాధిస్తాడ‌ని ఆశిద్దాం.