திமுக தலைவர் கருணாநிதிக்கு இன்று அதிகாலை முதல் திரையுலகினர்கள் பலர் தங்களுடைய அஞ்சலியை செலுத்தி வரும் நிலையில் ஒருசிலர் வெளிநாடுகளில் இருப்பதால் அவருக்கு அஞ்சலி செலுத்த முடியாத நிலையில் உள்ளனர். குறிப்பாக 'சர்கார்' அமெரிக்காவில் படப்பிடிப்பில் விஜய், முருகதாஸ் உள்ளிட்டோர் இருப்பதால் அவர்களால் கருணாநிதிக்கு அஞ்சலி செலுத்த முடியவில்லை

இந்த நிலையில் பிரமாண்ட இயக்குனர் ஷங்கர் தற்போது '2.0' படத்தின் கிராபிக்ஸ் பணியின் காரணமாக உக்ரைன் நாட்டில் உள்ளார். இதனால் அவராலும் கருணாநிதிக்கு அஞ்சலி செலுத்த முடியவில்லை. இதுகுறித்து ஷங்கர் தனது சமூக வலைத்தளத்தில் கூறியதாவது:

தமிழின தலைவர் கருணாநிதியின் மறைவு குறித்த செய்தி அறிந்து மிகுந்த வருத்தம் அடைந்தேன். தமிழுக்கும் தமிழர்களுக்கும் அவருடைய மறைவு பேரிழப்பாகும். தற்போது நான் உக்ரைனில் இருப்பதால் அவருக்கு நேரில் அஞ்சலி செலுத்த முடியாத நிலையில் உள்ளேன். அவரது குடும்பத்தினர்களுக்கு எனது ஆழ்ந்த இரங்கலை தெரிவித்து கொள்கிறேன். அவருடைய ஆத்மா சந்தியடைய பிரார்த்திக்கின்றேன் என்று கூறியுள்ளார்.