గ్యారేజ్ లో శంకర్ ట్రైలర్ కు విశేష స్పందన..!
- IndiaGlitz, [Thursday,September 01 2016]
నారా రోహిత్ - రెజీనా జంట‌గా న‌టిస్తున్న చిత్రం శంక‌ర. ఈ చిత్రాన్ని భీమిలి క‌బ‌డ్డీ జ‌ట్టు, ఎస్.ఎం.ఎస్ చిత్రాల ద‌ర్శ‌కుడు తాతినేని స‌త్య‌ప్ర‌కాష్ తెరకెక్కిస్తున్నారు. త్వ‌ర‌లో ప్రేక్ష‌కుల ముందుకు రానున్న శంకర్ ధియేట్రిక‌ల్ ట్రైలర్ ను ప్ర‌పంచ వ్యాప్తంగా జనతా గ్యారేజ్ చిత్రాన్ని ప్ర‌ద‌ర్శిస్తున్న ధియేట‌ర్స్ లో రిలీజ్ చేసారు. అన్నిచోట్ల నుంచి శంకర్ ట్రైలర్ కు విశేష స్పందన ల‌భిస్తోంది. నారా రోహిత్ నేచుర‌ల్ ఏక్టింగ్, రెజీనా గ్లామ‌ర్ ఈ చిత్రానికి ప్ర‌త్యేకాక‌ర్ష‌ణ‌గా నిలుస్తాయి.
త‌మిళ్ లో ఘ‌న విజ‌యం సాధించిన మౌన‌గురు చిత్రానికి రీమేక్ గా శంకర్ రూపొందింది. మౌన‌గురు చిత్రాన్నే హిందీలో సొనాక్షి సిన్హా ప్ర‌ధాన పాత్ర‌లో ఎ.ఆర్.మురుగుదాస్ అకిరా టైటిల్ తో రూపొందించారు. త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతుంది. శంక‌ర చిత్రాన్ని సాయిలీల మూవీస్ బ్యాన‌ర్ పై ఆర్.వి. చంద్ర‌మౌళి ప్ర‌సాద్, ఎం.వి.రావు సంయుక్తంగా నిర్మించారు. సాయికార్తీక్ సంగీతాన్ని అందించిన శంక‌ర చిత్రాన్ని ఈనెల 16న రిలీజ్ చేయ‌నున్నారు.