உலக நாயகன் கமல்ஹாசன் நடிப்பில் ஷங்கர் இயக்கத்தில் லைகா நிறுவனத்தின் தயாரிப்பில் உருவாகி வரும் திரைப்படம் ’இந்தியன் 2’, இந்த படத்தின் படப்பிடிப்பு கடந்த சில மாதங்களாக நடைபெறாமல் இருந்ததை அடுத்து இயக்குனர் ஷங்கர், ராம் சரண்தேஜா நடிக்கும் தெலுங்கு படம் ஒன்றை இயக்க சென்றுவிட்டார்

இதனை அடுத்து தங்கள் நிறுவனம் தயாரிக்கும் ’இந்தியன் 2’ படத்தை முடிக்காமல் ஷங்கர் வேறு படத்தை இயக்கக் கூடாது என்று லைகா நிறுவனம் வழக்கு தொடர்ந்தது. இந்த வழக்கை விசாரணை செய்த சென்னை ஐகோர்ட் வேறு படங்களை ஷங்கர் இயக்க கூடாது என இடைக்கால தடை விதிக்க முடியாது என்று உத்தரவிட்டது

இதனையடுத்து இந்த வழக்கு இன்று மீண்டும் விசாரணைக்கு வந்தது. இன்றைய விசாரணையின்போது ’இந்தியன் 2’ படத்தை முடிக்காமல் வேறு படத்தை இயக்க தடை விதிக்க கோரிய வழக்கில் இயக்குனர் ஷங்கர் மற்றும் லைகா நிறுவனம் ஆகிய இரண்டு தரப்பும் பேசித் தீர்த்துக் கொள்ள உயர் நீதிமன்றம் அறிவுறுத்தியது

இதனை அடுத்து இயக்குனர் ஷங்கர் ஜூலை முதல் அக்டோபர் வரை நேரம் கிடைக்கும் என்பதால் அந்த சமயத்தில் ’இந்தியன் 2’ படத்தை முடித்துக் கொடுக்க முயற்சிக்கிறேன்’ என்று நீதிமன்றத்தில் கூறியுள்ளார். இதனையடுத்து இந்த வழக்கு விசாரணை ஒத்திவைக்கப்பட்டுள்ளது.