பிரமாண்ட இயக்குனர் ஷங்கர் இயக்கத்தில் விரைவில் 'எந்திரன் 2' படத்தின் படப்பிடிப்பு தொடங்கவுள்ளது. ரஜினிகாந்த், அர்னால்ட், எமிஜாக்சன் நடிக்கவுள்ள இந்த படத்தின் திரைக்கதையை ஷங்கர் முழுவதும் தயார் செய்து வைத்திருப்பதாக கூறப்படுகிறது. இந்நிலையில் ஷங்கரின் ஸ்கிரிப்ட்டில் ஹாலிவுட் திரைக்கதையாசிரியர்களின் உதவியால் சில மாற்றங்களை செய்ய வேண்டும் என்றும் அர்னால்ட் கேட்டுக்கொண்டதாக கூறப்படுகிறது.

திரைக்கதை விஷயத்தில் யாருக்காகவும் காம்ப்ரமைஸ் செய்து கொள்ள விரும்பாத இயல்பு கொண்ட ஷங்கர், அர்னால்ட் கூறிய ஆலோசனையை ஏற்றுக்கொள்வாரா? என்பதுதான் தற்போதைய 'எந்திரன் 2' குழுவினர்களின் ஹாட் செய்தியாக உள்ளது.

முழுக்க முழுக்க 3D தொழில்நுட்பத்தில் உருவாகவுள்ள இந்த படத்திற்காக படத்தின் ஒளிப்பதிவாளர் நீரவ் ஷா, சமீபத்தில் மும்பையில் 3D ஷாட்கள் எடுத்ததாக கூறப்படுகிறது. 'பாகுபலி' புகழ் ஸ்ரீனிவாஸ் மோகன் இந்த படத்திற்கு கிராபிக்ஸ் பணிகளை செய்யவுள்ளார் என்பது ஏற்கனவே அனைவரும் அறிந்ததே.