ஷங்கர் இயக்கத்தில் உலகநாயகன் கமல்ஹாசன் நடித்த ’இந்தியன் 2’ திரைப்படம் சமீபத்தில் வெளியான நிலையில், அவரது இயக்கத்தில் உருவாகி வரும் இன்னொரு திரைப்படமான ’கேம் சேஞ்சர்’படத்தின் முக்கிய அறிவிப்பு வெளியாகி உள்ளதோடு, மாஸ் போஸ்டரும் வெளியாகி இணையத்தில் வைரலாகி வருகிறது.

பிரமாண்ட இயக்குனர் ஷங்கர் கடந்த சில மாதங்களாக ’இந்தியன் 2’மற்றும் ’கேம் சேஞ்சர்’ ஆகிய இரண்டு திரைப்படங்களையும் ஒரே நேரத்தில் இயக்கி வந்தார் என்பதும் ’இந்தியன் 2’ திரைப்படம் சமீபத்தில் வெளியான நிலையில் அடுத்த கட்டமாக தற்போது ’கேம் சேஞ்சர்’ படத்தின் படப்பிடிப்பில் அவர் உள்ளார் என்றும் செய்திகள் வெளியானது.

இந்த நிலையில் இந்த படத்தின் படப்பிடிப்பு கிட்டத்தட்ட முடிவடைந்துவிட்ட நிலையில் அடுத்த கட்டமாக புரமோஷன் பணிகள் தொடங்கி வரும் நிலையில் இன்று விநாயகர் சதுர்த்தி தினத்தை முன்னிட்டு ஒரு முக்கிய அறிவிப்பு வெளியாகி உள்ளது. ஏற்கனவே இந்த படத்தின் சிங்கிள் பாடல் வெளியாகி நல்ல வரவேற்பை பெற்ற நிலையில் தற்போது இரண்டாவது சிங்கிள் பாடல் செப்டம்பரில் வெளியாக இருப்பதாக அறிவிக்கப்பட்டுள்ளது.

தமிழ், தெலுங்கு, ஹிந்தி ஆகிய மூன்று மொழிகளில் வெளியாகும் இந்த படத்திற்கு தமன் இசையமைத்து உள்ளார் என்பதும் அவர் கம்போஸ் செய்த பாடல் மிகப்பெரிய எதிர்பார்ப்பை ஏற்படுத்தி உள்ளது என்பது குறிப்பிடத்தக்கது.

ராம்சரண், அஞ்சலி, கைரா அத்வானி, எஸ் ஜே சூர்யா, ஸ்ரீகாந்த், ஜெயராம், சுனில், சமுத்திரகனி, பிரகாஷ்ராஜ், நாசர் உள்ளிட்ட பலர் நடித்த இந்த படம் சுமார் 450 கோடி ரூபாய் பட்ஜெட்டில் உருவாகி உள்ளது. கார்த்திக் சுப்புராஜ் கதையில் திரு ஒளிப்பதிவில் உருவாகி வரும் இந்த படம் வரும் டிசம்பர் மாதம் வெளியாக வாய்ப்பு இருப்பதாக கூறப்படுகிறது.

pic.twitter.com/vkewh4bimj

— Shankar Shanmugham (@shankarshanmugh) September 7, 2024