'இந்தியன் 2' தைவான் படப்பிடிப்பு.. முக்கிய அப்டேட் கொடுத்த ஷங்கர்..!
- IndiaGlitz, [Friday,April 07 2023]
உலகநாயகன் கமல்ஹாசன் நடிப்பில் பிரமாண்ட இயக்குனர் ஷங்கர் இயக்கத்தில் உருவாகிவரும் ’இந்தியன் 2’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் முக்கிய அப்டேட்டை இயக்குனர் ஷங்கர் தனது சமூக வலைதள பக்கத்தில் தெரிவித்துள்ளார்.
‘இந்தியன் 2’ படத்தின் படப்பிடிப்பு கடந்த சில நாட்களாக தைவான் நாட்டில் நடைபெற்று வந்தது என்பதும் இதற்காக கமல்ஹாசன், ஷங்கர் உள்பட படக்குழுவினர் தைவான் சென்று இருந்தனர் என்பதையும் புகைப்படத்துடன் கூடிய செய்திகளை ஏற்கனவே பார்த்தோம்.
இந்த நிலையில் சற்றுமுன் ஷங்கர் ’இந்தியன் 2’ படத்தின் தைவான் படப்பிடிப்பு முடிந்து விட்டதாக தெரிவித்து புகைப்படம் ஒன்றை பதிவு செய்துள்ளார். இந்த புகைப்படம் தற்போது வைரல் ஆகி வருகிறது.
இந்த நிலையில் தைவான் படப்பிடிப்பை முடித்துவிட்டு ’இந்தியன் 2’ குழுவினர் அடுத்ததாக தென் ஆப்பிரிக்கா செல்ல இருப்பதாகவும் அங்கு அதிரடி ஆக்சன் ரயில் ஸ்டண்ட் காட்சிகள் படமாக்கப்பட உள்ளதாகவும் செய்திகள் வெளியாகி உள்ளன. தென் ஆப்பிரிக்க படப்பிடிப்புடன் கிட்டத்தட்ட ’இந்தியன் 2’ படப்பிடிப்பு நிறைவு வரும் என்று எதிர்பார்க்கப்படுகிறது.
கமல்ஹாசன், காஜல் அகர்வால், சித்தார்த், ரகுல் ப்ரீத்தி சிங், ப்ரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், மனோபாலா உள்ளிட்ட பலர் நடித்த ‘இந்தியன் 2’ படத்திற்கு அனிருத் இசையமைத்துள்ளார். ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை லைகா மற்றும் ரெட் ஜெயண்ட் மூவீஸ் நிறுவனங்கள் தயாரித்துள்ளன என்பது குறிப்பிடத்தக்கது.
Bye Bye Taipei #indian2 P.C @dop_ravivarman pic.twitter.com/dGyUcmAKwP
— Shankar Shanmugham (@shankarshanmugh) April 7, 2023