பிரமாண்ட இயக்குனர் ஷங்கரின் இயக்கத்தில், ராம் சரண் தேஜா நடிப்பில் தெலுங்கு திரைப்படம் ஒன்று உருவாக இருப்பதாக ஏற்கனவே தகவல் வந்தது பார்த்தோம். இந்த படத்தின் படப்பிடிப்பு சமீபத்தில் புனே, சத்தாரா மற்றும் பால்ட்டான் ஆகிய பகுதிகளில் நடைபெற்று வந்த நிலையில் தற்போது இந்த படத்தின் முதல்கட்ட படப்பிடிப்பு முடிவடைந்தது என படக்குழுவினர் அதிகாரப்பூர்வமாக அறிவித்துள்ளனர்.

ராம்சரண் ஜோடியாக கைரா அத்வானி நடிக்கும் இந்த படத்தில் அஞ்சலி உள்பட பல பிரபலங்கள் நடிக்க உள்ளனர் என்பது குறிப்பிடப்படத்தக்கது. இந்த நிலையில் ராம் சரண் தேஜா படத்தின் முதல்கட்ட படப்பிடிப்பு முடிந்ததும் ’இந்தியன் 2’ படத்தை இயக்குனர் ஷங்கர் தொடங்குவார் என்று எதிர்பார்க்கப்பட்டது. அதன்படி தொடங்குவாரா? அல்லது ராம் சரண் தேஜா படத்தின் அடுத்தகட்ட படப்பிடிப்புக்கான ஆரம்பகட்ட பணிகளை செய்வாரா என்பதை பொறுத்திருந்து பார்ப்போம்.

இந்த நிலையில் ‘அன்னியன்’ படத்தின் ரீமேக் படத்தையும் ஷங்கர் இயக்கவுள்ளார் என்பதும் இந்த படத்தின் படப்பிடிப்பும் விரைவில் தொடங்கும் என்றும் எதிர்பார்க்கப்படுகிறது.