இயக்குனர் ஷங்கரின் அடுத்த படம்: மாஸ் ஹீரோவுடன் இணைகிறார்.
- IndiaGlitz, [Friday,February 12 2021]
பிரமாண்ட இயக்குனர் ஷங்கர் தற்போது கமல்ஹாசன் நடித்து வரும் ’இந்தியன் 2’ என்ற படத்தை இயக்கி வரும் நிலையில் அந்த படத்தின் படப்பிடிப்பு கடந்த ஒரு ஆண்டாக நடைபெறாமல் கால தாமதமாகி வருகிறது. இதனை அடுத்து ஷங்கர் வேறு ஒரு திரைப்படத்தை இயக்க போவதாக கடந்த சில வாரங்களாக தகவல்கள் வெளிவந்து கொண்டிருந்தன.
இந்த நிலையில் தற்போது அந்த தகவல் உறுதி செய்யப்பட்டுள்ளது. ஷங்கரின் இயக்கத்தில் உருவாகும் அடுத்த படத்தில் பிரபல தெலுங்கு நடிகர் ராம் சரண் தேஜா நடிக்க இருப்பதாகவும் இது ஒரு பான் திரைப்படம் என்றும் அதிகாரபூர்வமாக அறிவிக்கப்பட்டுள்ளது.
ஸ்ரீ வெங்கடேஸ்வரா கிரியேசன்ஸ் என்ற நிறுவனத்தின் 50வது படமாக உருவாக இருக்கும் இந்த திரைப்படம் பிரமாண்டமாக தயாரிக்க உள்ளதாகவும் இந்திய சினிமாவில் இந்த திரைப்படம் ஒரு மிகப்பெரிய மைல்கல்லாக இருக்கும் என்று கூறப்படுகிறது.
தற்போது எஸ்எஸ் ராஜமவுலியின் ’ஆர்.ஆர்.ஆர்’ என்ற திரைப்படத்தில் நடித்துக் கொண்டிருக்கும் ராம்சரண்தேஜா விரைவில் இந்த படத்தின் படப்பிடிப்பில் கலந்து கொள்வார் என்றும் இந்த படம் குறித்த மற்ற தகவல்கள் விரைவில் வெளியாகும் என்றும் கூறப்படுகிறது.
#SVC50 will unite two big forces as never seen before??
— Vamsi Kaka (@vamsikaka) February 12, 2021
Mega Powerstar @AlwaysRamCharan and the Show Man of Indian Cinema @shankarshanmugh join hands for a Pan-India film with @SVC_official??#RC15 pic.twitter.com/RyZPD1Rd9W