இந்திய வேகப்பந்து வீச்சாளர் ஷமி, பல பெண்களுடன் தொடர்பு வைத்திருப்பதாக பகீர் குற்றச்சாட்டை அவரது மனைவி ஹாசின் ஜகான் கூறினார். இதுகுறித்து அவர் காவல்துறையிலும் ஆதாரங்களுடன் புகார் அளித்ததால் பரபரப்பு ஏற்பட்டது. மேலும் அதில் ‌ஷமியின் சகோதரர் மற்றும் உறவினர்கள் தன்னை கொடுமைப்படுத்தியதாகவும், கொலை செய்ய முயற்சிப்பதாகவும் ஹாசின் குறிப்பிட்டிருந்தார். அதுமட்டுமின்றி ஷமியின் சகோதரர் தனக்கு பாலியல் தொல்லை கொடுத்திருந்ததாகவும் ஷமிக்கு பாகிஸ்தான் பெண்ணுடன் தொடர்பு கொண்டிருந்ததால் அவர் மீது சூதாட்ட புகாரும் இருக்கலாம் என்றும் அவர் தனது புகாரில் கூறியிருந்தார்.

மனைவி கூறிய புகாரை ஷமி மறுத்து வந்த நிலையில் அவருக்கு ஆதரவாக தல தோனி குரல் கொடுத்துள்ளார். சமீபத்தில் அளித்த பேட்டியில், 'வேகப்பந்து வீச்சாளர் முகமது ஷமி நல்லவர். அவரால் தனது நாட்டிற்கும், மனைவிக்கும் துரோகம் செய்ய முடியாது என கூறியுள்ளார்.

இதுகுறித்து தோனி மேலும் கூறியபோது, 'ஷமியை எனக்கு நீண்ட காலமாக தெரியும். ஷமியால் நாட்டிற்கும், அவரது மனைவிக்கும் எந்த துரோகமும் செய்ய முடியாது. இருப்பினும் இது அவரது தனிப்பட்ட குடும்ப வாழ்க்கை. இதை ஷமிதான் தீர்க்க வேண்டும். இவ்விகாரத்தை ஊடகங்கள் பெரிதுபடுத்த வேண்டாம். இந்த பிரச்சனையில் இருந்து ஷமி விரைவில் மீண்டு வருவார் என்ற நம்பிக்கை எனக்கு இருக்கின்றது' என்று கூறினார்.