கடந்த ஆண்டு வெளியான 'அர்ஜூன் ரெட்டி' என்ற தெலுங்கு படத்தில் அறிமுகமான ஷாலினி பாண்டே, அந்த படத்தின் மாபெரும் வெற்றியால் தமிழ், தெலுங்கு ஆகிய இரண்டு திரையுலகிலும் வாய்ப்புகளை பெற்று வருகிறார். தற்போது ஜிவி பிரகாஷுடன் '100% காதல்' மற்றும் ஜீவாவுடன் 'கொரில்லா' ஆகிய படங்களில் நடித்து வரும் ஷாலினி பாண்டே அடுத்ததாக விஜய் ஆண்டனியுடன் நடிக்கவுள்ளதாக செய்திகள் வெளிவந்துள்ளது.

'காளி' படத்திற்கு பின்னர் விஜய் ஆண்டனி தற்போது 'திமிறு பிடிச்சவன்' மற்றும் 'கொலைகாரன்' ஆகிய படங்களில் நடித்து வருகிறார். இந்த படங்களை அடுத்து அவர் 'முடர் கூடம்' நவீன் இயக்கத்தில் ஒரு படத்தில் நடிக்கவுள்ளதாக வெளிவந்த செய்தியினை ஏற்கனவே பார்த்தோம். 'மூடர் கூடம்' நவீன் தற்போது 'அலாவுதினும் அற்புத கேமிராவும்' என்ற படத்தை இயக்கி வருகிறார். இந்த படம் முடிந்தவுடன் அவர் விஜய் ஆண்டனி நடிக்கும் படத்தை இயக்கவுள்ளார்.

இந்த நிலையில் நவீன், விஜய் ஆண்டனி இணையும் இந்த படத்தில் ஷாலினி பாண்டே நாயகியாக நடிக்கவுள்ளதாகவும் இந்த படத்தை அம்மா கிரியேஷன்ஸ் சிவா தயாரிக்கவுள்ளதாகவும் கூறப்படுகிறது. இந்த படம் குறித்த அதிகாரபூர்வ அறிவிப்பு இன்னும் சில நாட்களில் வெளியாகும் என்று எதிர்பார்க்கப்படுகிறது.