என்ன ஒரு அழகான ஓவியம்.. ஷாலினி சகோதரி ஷாம்லிக்கு குவியும் வாழ்த்துக்கள்..!
- IndiaGlitz, [Saturday,August 05 2023]
நடிகையும் ஷாலினி அஜித்தின் சகோதரியுமான ஷாம்லி வரைந்த புதிய ஓவியம் அவரது இன்ஸ்டாகிராம் பக்கத்தில் பதிவு செய்யப்பட்டுள்ள நிலையில் அந்த பதிவுக்கு ஏராளமான லைக்ஸ் குவிந்து வருகிறது
தமிழ் சினிமாவில் ’அஞ்சலி’ என்ற திரைப்படத்தில் சிறப்பாக நடித்ததற்காக மூன்று வயதிலேயே சிறந்த குழந்தை நட்சத்திரத்துக்கான தேசிய விருது பெற்றவர் ஷாம்லி. துர்கா, செந்தூர தேவி உள்பட பல திரைப்படங்களில் இவர் குழந்தை நட்சத்திரமாக நடித்துள்ளார்.
இந்த நிலையில் நடிகை ஷாம்லி ஓவியம் வரைவதில் திறமையானவர் என்பதும் அவரது ஓவிய கண்காட்சி துபாய் உள்பட பல பகுதிகளில் நடந்து உள்ளது என்பதும் குறிப்பிடத்தக்கது. துபாயில் ஷாம்லியின் ஓவிய கண்காட்சி நடந்த போது அஜித் தன் மனைவியுடன் சென்றிருந்தார் என்பதும் தெரிந்ததே.
இந்த நிலையில் ஷாமிலி சமீபத்தில் வரைந்த புதிய ஓவியம் அவரது இன்ஸ்டாகிராம் பக்கத்தில் பதிவு செய்யப்பட்டுள்ளது. ஒரு அழகான பெண்ணின் பின் நிற்கும் குதிரை அமைப்பு கொண்ட இந்த ஓவியத்திற்கு ரசிகர்கள் லைக்ஸ், கமெண்ட்ஸ் குவித்து வருகின்றனர்