ఇంద్రజిత్ లంకేష్ దర్శకత్వంలో రిచా చద్దా.. పంకజ్ తివారి ప్రధాన పాత్రల్లో రూపొందిన బయోపిక్ ‘షకీలా’ ట్రైలర్ నేడు విడుదలైంది. 1990 చివరిలో.. అలాగే 2000 సంవత్సరం ప్రథమార్థంలో పరిశ్రమను కదిలించిన షకీలా నిజ జీవిత కథ ఆధారంగా ఈ చిత్రం రూపొందింది. ప్రేక్షకులకు తెలిసిన రీల్ వ్యక్తిత్వానికి భిన్నమైన నిజ జీవిత కథను ఈ చిత్రం తెలియజేయనుంది. ఆ సమయంలో సూపర్ స్టార్లకు ప్రధానమైన పురుష ఆధిపత్య పరిశ్రమకు గట్టి పోటీనిచ్చింది. 16 ఏళ్ల వయసులో ఇండస్ట్రీకి వచ్చిన ఆమె.. అనతి కాలంలోనే దాదాపు 250 చిత్రాల్లో నటించింది. ఈ చిత్రాన్ని 1000కి పైగా స్క్రీన్లలో చిత్ర నిర్మాతలు విడుదల చేయనున్నారు.

సిల్క్‌స్మిత ఆత్మహత్య సీన్‌తో ట్రైలర్ ప్రారంభమైంది. సిల్క్‌స్మిత మరణం తరువాత షకీలా ఇండస్ట్రీలో ఎలా ఫేమస్ అయ్యింది.. ఆమె ఎదుర్కొన్న పరిస్థితులు.. అవమానాలు.. అన్నింటి ఆధారంగా ఈ సినిమా తెరకెక్కినట్టు ట్రైలర్‌ను బట్టి తెలుస్తోంది. దీని గురించి దర్శకుడు ఇంద్రజిత్ లంకేష్ మాట్లాడుతూ.. ఒక ఐకానిక్ వేలో షకీలాను చూపించడానికి కారణం.. ఆమె ప్రేమ, నిబద్ధతే కారణమన్నారు. ఆమె కథ నథింగ్‌తో మొదలై.. సక్సెస్‌తో ముగియలేదు.. తిరిగి నథింగ్‌గానే మిగిలిపోయిందని తెలిపారు. ఈ సినిమాను నిర్మాతలు భారీగా విడుదల చేసేందుకు ప్లాన్ చేయడంతో ఈ సినిమా పెద్ద ఎత్తున జనానికి చేరుతుందనే నమ్మకం కలిగిందని ఇంద్రజిత్ లంకేష్ వెల్లడించారు.