'ష‌కీలా' ఫ‌స్ట్ లుక్
- IndiaGlitz, [Tuesday,November 20 2018]
శృంగార తార‌గా ఒక‌ప్పుడు మ‌ల‌యాళంలో పేరు తెచ్చుకున్న ష‌కీలాకి ఉన్న క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ఒక‌ప్పుడు మ‌ల‌యాళ అగ్ర హీరోలు ష‌కీలా సినిమా విడుద‌ల‌వుతుందంటే వారి సినిమాల‌ను వాయిదా వేసుకునేవారు.
అస‌లు తెలుగు కుటుంబానికి చెందిన ష‌కీలా మ‌ల‌యాళ చిత్ర సీమ‌లోకి ఎందుకు వెళ్లారు? ఆమె జీవితంలో ఆమె ఎదుర్కొన్న స‌మ‌స్య‌లేంటి? ఇత‌ర‌త్రా విష‌యాల‌తో ష‌కీలా బ‌యోపిక్‌ను తెర‌కెక్కిస్తున్నారు. ఇప్ప‌టికే షూటింగ్ దాదాపు పూర్త‌య్యింది. పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి.
రిచా చ‌ద్దా ష‌కీలా పాత్ర‌లో క‌నిపించ‌బోతున్నారు. అతిథి పాత్ర‌లో ష‌కీలా న‌టిస్తుంది. ఇంద్ర‌జీత్ లోకేష్ ద‌ర్శ‌క‌త్వం వ‌హిస్తున్న 'ష‌కీలా' సినిమా ఫ‌స్ట్ లుక్ విడుద‌లైంది. 'నాట్ ఎ పోర్న్ స్టార్‌' ట్యాగ్ లైన్‌. ఒంటి నిండా అభ‌రణాలు వేసుకున్న రిచాచ‌ద్దా ఫ‌స్ట్ లుక్ ప్ర‌స్తుతం సోష‌ల్ మీడియాలో వైర‌ల్ అవుతుంది.