ரூ.1000 கோடி வசூலை எட்டிய 'பதான்'.. இதற்கு முன் 1000 கோடி வசூலித்த படங்கள் என்னென்ன?
- IndiaGlitz, [Tuesday,February 21 2023]
ஷாருக்கான் நடித்த ‘பதான்’ திரைப்படம் கடந்த ஜனவரி 25ஆம் தேதி வெளியான நிலையில் ஒரே மாதத்தில் இந்த படம் உலகம் முழுவதும் ரூ.1000 கோடி என்ற வசூல் சாதனையை எட்டியுள்ளது
கடந்த சில மாதங்களாக பாலிவுட் திரை உலகின் முன்னணி நடிகர்களின் படங்கள் தோல்வி அடைந்து வரும் நிலையில் ‘பதான்’ திரைப்படம் ரூ.1000 கோடி வசூல் செய்திருப்பது பாலிவுட் திரை உலகினர்களுக்கு நம்பிக்கையை அளித்துள்ளது
‘பதான்’ திரைப்படம் வெளியாவதற்கு முன்னர் சில சர்ச்சைகள் ஏற்பட்டாலும் இந்த படம் வெளியான பின்னர் ரசிகர்கள் இந்த படத்தை கொண்டாடினார்கள் என்பதும் உலகம் முழுவதும் மிகப்பெரிய வரவேற்பை பெற்று தற்போது ரூ.1000 கோடி வசூல் என்ற மைல் கல்லை எட்டி உள்ளது என்பதும் குறிப்பிடத்தக்கது.
இந்த நிலையில் ஏற்கனவே இந்தியாவில் ரூ.1000 கோடி வசூல் செய்த படங்கள் என்னென்ன என்பதை தற்போது பார்ப்போம் அமீர்கான் நடித்த 'டங்கல்’ என்ற திரைப்படம் கடந்த 2016 ஆம் ஆண்டு வெளியானது என்பதும் இந்த படம் சுமார் ரூ.1968 கோடி வசூல் செய்ததாகவும் தகவல்கள் வெளியாகி உள்ளன.
இதனை அடுத்து எஸ்.எஸ் ராஜமெளலி இயக்கத்தில் உருவான ’பாகுபலி 2’ என்ற திரைப்படம் கடந்த 2017 ஆம் ஆண்டு வெளியானது என்பதும் இந்த படம் ரூ.1810 கோடி வசூல் செய்தது என்பது குறிப்பிடத்தக்கது.
அதேபோல் எஸ் எஸ் ராஜமெளலி இயக்கத்தில் உருவான அடுத்த திரைப்படமான 'ஆர்ஆர்ஆர்’ என்ற திரைப்படம் கடந்த 2022 ஆம் ஆண்டு வெளியானது என்பதும் இந்த படம் ரூ.1200 கோடி வசூல் செய்தது என்பது குறிப்பிடத்தக்கது.
மேலும் யாரும் எதிர்பாராத வகையில் யாஷ் நடித்த ’கேஜிஎப் 2’ என்ற திரைப்படம் கடந்த ஆண்டு வெளியானது என்பது இந்த படம் உலகம் முழுவதும் ரூ.1250 கோடி வசூல் செய்ததாகவும் தகவல்கள் வெளியாகி உள்ளன.
இதுவரை இந்தியாவில் 'பதான்’ உள்பட 5 திரைப்படங்கள் ரூ.1000 கோடிக்கு அதிகமாக வசூல் செய்துள்ளதை அடுத்து பெரிய பட்ஜெட் படங்கள் இனி அதிகம் வர வாய்ப்பு இருப்பதாக கூறப்படுகிறது.