பாலிவுட் சூப்பர் ஸ்டார் ஷாருக்கான் நடித்த ‘ஜவான்’ திரைப்படம் வரும் செப்டம்பர் 7ஆம் தேதி உலகம் முழுவதும் தமிழ் தெலுங்கு மற்றும் ஹிந்தி மொழிகளில் வெளியாக உள்ளது.

இந்த நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வரும் நிலையில் இன்னும் ஒரு சில நாட்களில் சென்னையில் புரமோஷன் விழா நடைபெற இருப்பதாகவும் கூறப்படுகிறது.

இந்த நிலையில் இந்த படத்தில் இடம்பெற்ற பாடலின் வீடியோவை இயக்குனர் அட்லீ தனது சமூக வலைதளத்தில் வெளியிட்டுள்ளார். இந்த பாடலில் ஷாருக்கான் மற்றும் நயன்தாரா செம டான்ஸ் ஆடும் காட்சிகள் உள்ளதை அடுத்து ரசிகர்கள் இந்த பாடலை வைரலாக்கி வருகின்றனர்

அனிருத் கம்போஸ் செய்துள்ள இந்த பாடலை விவேக் எழுதியுள்ளார் என்பதும் அனிருத் , ஸ்ரீரமா சந்திரா மற்றும் ரட்சிதா சுரேஷ் ஆகியோர் இந்த பாடலை பாடியுள்ளனர் என்பது குறிப்பிடத்தக்கது.

ஷாருக்கான், நயன்தாரா, விஜய் சேதுபதி, தீபிகா படுகோன், பிரியாமணி, யோகிபாபு, அம்ரிதா ஐயர் ஆகியோர் நடித்துள்ள இந்த படத்தில் விஜய் மற்றும் சஞ்சய் தத் சிறப்பு தோற்றத்தில் நடித்துள்ளதாக கூறப்படுகிறது.

Lights. Camera. Dance! 🕺#NotRamaiyaVastavaiya song out now.#Jawan releasing worldwide on 7th September 2023, in Hindi, Tamil & Telugu. pic.twitter.com/iZsknSC1wx

— atlee (@Atlee_dir) August 29, 2023