ఆనంద్ ఎల్‌.రాయ్ ద‌ర్శ‌క‌త్వంలో షారూక్‌ఖాన్‌, క‌త్రినా కైఫ్‌, అనుష్క శ‌ర్మ హీరో హీరోయిన్స్‌గా రూపొందిన చిత్రం 'జీరో'. ఇందులో షారూక్ మ‌రుగుజ్జు వ్య‌క్తిగా న‌టించాడు. ఈ సినిమా డిసెంబ‌ర్ 21న విడుద‌ల‌వుతుంది.

అయితే అదే రోజున క‌న్న‌డ స‌హా తెలుగు, త‌మిళం, మ‌ల‌యాళం, హిందీ భాష‌ల్లో విడుద‌ల‌వుతున్న చిత్రం 'కె.జి.ఎఫ్‌'. య‌ష్ హీరోగా న‌టించిన ఈ చిత్ర హ‌క్కుల‌ను అనిల్ టాండ‌న్ సొంతం చేసుకున్నారు. దీనికి క‌ర‌ణ్ జోహార్ విడుద‌ల‌కు త‌న వంతు స‌హాయం చేస్తున్నాడు.

అయితే షారూక్ సినిమా అంటే భారీ విడుద‌ల చేయాల‌నుకుంటున్నారట‌. ఈ విష‌యంలో షారూక్ నిర్మాణ సంస్థ రెడ్ చిల్లీస్‌.. బాలీవుడ్ డిస్ట్రిబ్యూట‌ర్ అనిల్ టాండ‌న్‌కు మ‌ధ్య చ‌ర్చ‌లు జ‌రుగుతూనే ఉన్నాయ‌ట‌. దీంతో జీరో బుకింగ్స్ ఓపెన్ కాలేద‌ని వార్త‌లు విన‌ప‌డుతున్నాయి.