యూనివ‌ర్స‌ల్ స్టార్ క‌మ‌ల్‌హాస‌న్, ర‌మ్య‌కృష్ణ‌, శృతిహాస‌న్‌లు ప్ర‌ధాన‌పాత్ర‌ధారులుగా రూపొందుతోన్న చిత్రం శ‌భాష్ నాయుడు. ఈ సినిమా చిత్రీక‌ర‌ణ ప్ర‌స్తుతం క‌మ‌ల్‌హాస‌న్ కాలిగాయం కార‌ణంగా సెప్టెంబ‌ర్‌కు పోస్ట్‌పోన్ చేశారు. అయితే ఈ సినిమా ప్రారంభం నుండి సినిమాకు స‌మ‌స్య‌లు వ‌స్తూనే ఉన్నాయి.

నిజానికి ఈ సినిమా డైరెక్ట‌ర్ రాజీవ్‌కుమార్‌కు అమెరికాలో ఉండ‌గా సుస్తీ చేయ‌డంతో క‌మ‌ల్‌హాస‌నే ద‌ర్శ‌క‌త్వ బాద్య‌త‌ల‌ను చేప‌ట్టాడు. అయితే రీసెంట్‌గా క‌మ‌ల్ కాలికి గాయం కావ‌డంతో సినిమా తాత్కాలికంగా ఆగింది. అలాగే టైటిల్ విష‌యంలో కొంత మంది అభ్యంతరం వ్య‌క్తం చేస్తూ కోర్టుకు వెళ్ళారు. ఇలా సినిమా ప్రారంభం నుండే క‌మ‌ల్ శ‌భాష్‌నాయుడుకి అడ్డంకులు వ‌స్తూనే ఉన్నాయి. ఈ చిత్రంలో క‌మ‌ల్ బ‌ల‌రాం నాయుడు గెట‌ప్‌లో క‌న‌ప‌డ‌తారు. బ్ర‌హ్మానందం క‌మ‌ల్‌కు అసిస్టెంట్ పాత్ర‌లో క‌న‌ప‌డ‌నున్నారు.