எம்.ஸ்.தோனி மற்றும் சச்சின் டெண்டுல்கரின் பயோபிக் திரைப்படங்கள் பாலிவுட்டில் சக்கைப்போடு போட்டது. இதனால் பாலிவுட் தயாரிப்பாளர்கள் பலரும் பயோபிக் படங்கள் மீது அதிக ஆர்வம் காட்டி வருகின்றனர். அந்த வகையில் குத்துச்சண்டை வீராங்கனை மேரிகோம், பேட்மிட்டண் வீராங்கனை பி.வி.சிந்து, சாய்னா நோவல் போன்றோரின் பயோபிக் படங்கள் எடுக்கப்பட்டன.

அதையடுத்து பாலிவுட்டில் தடகள வீராங்கனை ரஷ்மி ராக்கெட்டின் திரைப்படம் எடுக்கப்பட்டது. அந்தப் படத்தின் நாயகியாக முன்னணி நடிகை டாப்சி பந்து நடித்து இருந்தார். தற்போது படப்பிடிப்பு முடிந்த கையோடு டாப்சி மற்றொரு படத்தில் நடிக்க ஒப்பந்தமாகி இருக்கிறார். அதுவும் ஒரு பயோபிக் திரைப்படம் என்பதும் குறிப்பிடத்தக்கது. இந்தியப் பெண்கள் கிரிக்கெட் அணியின் கேப்டனான மிதாலி ராஜின் வாழ்க்கை வரலாற்றுத் திரைப்படத்தில்தான் டாப்சி பந்து கதாநாயகியாக நடிக்க இருக்கிறார். “சபாஷ் மிது“ எனப் பெயரிடப்பட்ட இந்த படத்திற்காக அவர் கிரிக்கெட் பயிற்சியிலும் ஈடுபட்டு வருகிறார்

சென்னையை சேர்ந்த மிதாலி ராஜின் 39 ஆவது பிறந்த நாளை ஒட்டி டாப்சி தன்னுடைய டிவிட்டரில் இத்தகவலை தெரிவித்து உள்ளார். மேலும் இதுகுறித்து அவர் “கிரிக்கெட் பேட் மற்றும் பந்துடனான ரொமான்ஸ் தொடங்கி விட்டது. நீண்ட தூரம் செல்ல வேண்டும். ஆனாலும் பாதி வேலை முடிந்து விட்டது. இது ஒரு மைல்கல்லாக அமையும் என்றும் இந்த பிறந்த நாளில் என்னால் உங்களுக்கு என்ன பரிசு வழங்க முடியும் என்று எனக்குத் தெரியாது. ஆனால் சபாஷ் மிதுவில் உங்களை நிச்சயம் பெருமைப்படுத்துவேன் என்ற வாக்குறுதியை மட்டும் என்னால் தர முடியும். இதற்காக கவர் ட்ரைவ் கற்றுக் கொள்ள நான் தயாராக இருக்கிறேன். ஹேப்பி பர்த்டே கேப்டன்” என்று தெரிவித்து இருக்கிறார்.

தமிழில் வெற்றிமாறன் இயக்கிய “ஆடுகளம்“ படத்தில் அறிமுகமான இவர் “வந்தான் வென்றான்“, “ஆரம்பம்“, “காஞ்சனா 2“ போன்ற படங்களில் நடித்து இருந்தார். தற்போது இந்தி படங்களில் கவனம் செலுத்தி வருகிறார். மேலும் ஒரே நேரத்தில் தடகள வீராங்கனை ரஷ்மி ராக்கெட்டின் பயோபிக் படத்திலும் கிரிக்கெட் வீராங்கனை மிதாலி ராஜ்ஜின் படத்திலும் இவர் நடித்து வருகிறார் என்பதும் குறிப்பிடத்தக்கது.

And romance with the bat n the ball has begun....
long way to go but a good start is half job done :)
This is going to be another milestone of sorts....
For our captain cool @M_Raj03 and all her #WomenInBlue ?? ???? #ShabaashMithu @rahuldholakia @AndhareAjit @Viacom18Studios pic.twitter.com/8ZK5yNfGZK

— taapsee pannu (@taapsee) January 27, 2021