வெங்கட்பிரபுவின் 'பார்ட்டி'யில் பிரச்சனை செய்யும் நடிகர் ஷாம்
- IndiaGlitz, [Wednesday,August 09 2017]
இளையதலைமுறை நடிகர்களில் ஒரு படத்தின் கேரக்டருக்காக அதிக ரிஸ்க் எடுத்து மெனக்கிடும் நடிகர்களில் ஒருவர் ஷாம். அதிக உழைப்பை கொட்டி இவர் நடித்த '6' திரைப்படம் வசூல் ரீதியாக வெற்றி பெறாவிட்டாலும் ஷாமின் உழைப்புக்கு பாராட்டு கிடைத்தது.
இந்த நிலையில் தற்போது ஷாம், வெங்கட்பிரபு இயக்கி வரும் 'பார்ட்டி' படத்தில் முக்கிய கேரக்டரில் நடித்து வருகிறார். இந்த படத்தில் அவர் ஒரு ஸ்டைலிஷ் கேங்க்ஸ்டராக நடித்து வருவதாகவும், அஜித்துக்கு 'மங்காத்தா' மூலம் ஒரு மிகப்பெரிய இளைஞர்கள் கூட்டம் ரசிகர்களாக கிடைத்தது போல் இந்த படம் மூலம் தனக்கும் ஒரு திருப்பம் ஏற்படும் என்று தான் நம்புவதாகவும் அவர் தெரிவித்தார்.
இளமையான, ஜாலியான டீம் கொண்ட 'பார்ட்டி' படத்தில் பிரச்சனை பண்ணக்கூடிய, மனதில் பதியக்கூடிய கேரக்டரை தனக்கு கொடுத்த வெங்கட்பிரபுவுக்கு தான் நன்றி கூறி கொள்வதாகவும் ஷாம் கூறியுள்ளார். மேலும் ஒரு திரைப்படம் மக்களை சென்றடைய அந்த படம் ஒரு நல்ல தயாரிப்பு நிறுவனத்தில் இருந்து வெளிவர வேண்டும் என்றும் அந்த வகையில் 'பார்ட்டி' படத்தை அம்மா கிரியேஷன்ஸ் டி.சிவா அவர்கள் தயாரிப்பது படத்துக்கு கிடைத்த கூடுதல் சிறப்பு என்றும் ஷாம் கூறியுள்ளார்.