19 வயதுக்கு உட்பட்டோருக்கான உலகக்கோப்பை கிரிக்கெட் போட்டி கடந்த சில நாட்களாக நடைபெற்று வரும் நிலையில் இன்று கிறிஸ்ட்சர்ச் மைதானத்தில் இந்தியா மற்றும் பாகிஸ்தான் அணிகள் மோதிய அரையிறுதி போட்டி நடைபெற்றது.

இந்த போட்டியில் முதலில் பேட்டிங் செய்த இந்திய அணி 272 ரன்கள் குவித்தது. 273 ரன்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் அணியை இந்த பந்து வீச்சாளர்கள் பந்தாடி வெறும் 69 ரன்களில் சுருட்டினர். இதனால் இந்திய அணி 203 ரன்கள் வித்தியாசத்தில் வெற்றி பெற்று இறுதி போட்டிக்கு தகுதி பெற்றது.

இந்த வெற்றி குறித்து கிரிக்கெட் விளையாட்டின் ஜாம்பவானும், அதிரடி ஆட்டகாரருமான சேவாக் தனது சமூக வலைத்தளத்தில் கூறியபோது, 'என்ன ஒரு ஆக்ரோஷமான வெற்றி. நமது இளைஞர்கள் பாகிஸ்தானை முற்றிலும் சிதறடித்துவிடனர். இறுதி போட்டியிலும் வெற்றி தொடர வாழ்த்துக்கள்' என்று கூறியுள்ளார்.

இந்த நிலையில் இந்தியா மற்றும் ஆஸ்திரேலியா மோதும் இறுதி போட்டி வரும் பிப்ரவரி 3ஆம் தேதி நடைபெறவுள்ளது. இந்திய அணிக்கு நமது அட்வான்ஸ் வாழ்த்துக்கள்