சேதுபதி' சென்சார் தகவல் மற்றும் ரன்னிங் டைம்
- IndiaGlitz, [Tuesday,February 09 2016]
கோலிவுட் திரையுலகில் முன்னணி நடிகர்களின் பட்டியலில் உள்ள விஜய்சேதுபதி நடித்த 'காதலும் கடந்து போகும்' திரைப்படம் கடந்த சில நாட்களுக்கு முன்னர் தணிக்கை செய்யப்பட்டு 'யூ' சர்டிபிகேட் பெற்றது என்பதை பார்த்தோம். இந்நிலையில் அவர் நடித்த மற்றொரு படமான 'சேதுபதி' படத்தின் தணிக்கை சான்றிதழ் குறித்த தகவல்கள் தற்போது வெளிவந்துள்ளது.
சேதுபதி' படத்திற்கு தணிக்கை அதிகாரிகள் 'யூ' சான்றிதழ் அளித்துள்ளனர். விறுவிறுப்பான போலீஸ் திரைக்கதையை கொண்ட இந்த படம் 2 மணி நேரம் மற்றும் ஒரு நிமிடம் ஓடுகிறது. சேதுபதி' திரைப்படம் தணிக்கையில் 'யூ' பெற்றுள்ளதால் படக்குழுவினர் மகிழ்ச்சியில் உள்ளனர். மேலும் இந்த படம் வரும் 19ஆம் தேதி வெளியாகவுள்ளது என்பது குறிப்பிடத்தக்கது.
விஜய்சேதுபதி, ரம்யா நம்பீசன் இரண்டாவது முறையாக ஜோடி சேரும் இந்த படத்தை எஸ்.யூ. அருண்குமார் இயக்கியுள்ளார். நிவாஸ் பிரசன்னா இசையில் ஸ்ரீகர் பிரசாத் படத்தொகுப்பில் தினேஷ் கிருஷ்ணன் ஒளிப்பதிவில் உருவான இந்த படத்தை வான்சன் மூவீஸ் நிறுவனம் தயாரித்துள்ளது.