బాలయ్య కోసం సెట్ వేస్తారా..
- IndiaGlitz, [Sunday,July 09 2017]
నందమూరి బాలకృష్ణ 102వ చిత్రం ఆగస్టు 2న లాంఛనంగా ప్రారంభమవుతుందని వార్తలు వచ్చాయి. కె.ఎస్‌.రవికుమార్‌ దర్శకుడు. సి.కళ్యాణ్‌ సినిమాను నిర్మిస్తున్నారు. ఈ సినిమాకు సంబంధించిన ప్రీ ప్రొడక్షన్‌ పనులు శరవేగంగా జరగుతున్నాయి. బాలకృష్ణ సరసన నయనతార హీరోయిన్‌గా నటించనుంది. సినిమా కథలో భాగంగా కొన్ని సన్నివేశాలను కోయంబత్తూరుకు దగ్గరలోని కుంభకోణంలో చిత్రీకరించాల్సి ఉందట.
లోకేషన్స్‌ వేటలో ఉన్న యూనిట్‌ కుంభకోణం ప్రాంతాన్ని కూడా చూసి వచ్చారు. అయితే కుంభకోణం తరహాలో చెన్నైలో సెట్ వేయాలా లేక, కుంభకోణంలోనే షూటింగ్‌ చేయాలా అని తర్జన భర్జన పడుతున్నారు. త్వరలోనే దీనిపై ఓ నిర్ణయం తీసుకుంటారు. ప్రస్తుతం బాలకృష్ణ 'పైసావసూల్‌' చిత్రీకరణలో బిజీగా ఉన్నారు. పూరి జగన్నాథ్‌ దర్శకత్వంలో రూపొందుతోన్న ఈ చిత్రాన్ని సెప్టెంబర్‌ 29న దసరా సందర్భంగా విడుదల చేస్తున్నారు.