அசத்தலாக பைக் ஓட்டும் ஆல்யா மானஸா: வைரல் வீடியோ
- IndiaGlitz, [Thursday,June 10 2021]
’ராஜா ராணி’ என்ற தொலைக்காட்சி தொடர் மூலம் ரசிகர்களின் மனதில் இடம் பிடித்தவர் ஆல்யா மானசா என்பதும் பின்னர் அந்த தொடரின் நாயகன் சஞ்சீவ் என்பவரை திருமணம் செய்து கொண்ட ஆல்யாவுக்கு கடந்த சில மாதங்களுக்கு முன் குழந்தை பிறந்தது என்பதும் தெரிந்ததே.
இந்த நிலையில் தற்போதும் தொலைக்காட்சி தொடர்களில் பிஸியாக இருக்கும் ஆலியா மானசா சமூக வலைதளங்களிலும் ஆக்டிவ்வாக இருப்பார் என்பது குறிப்பிடத்தக்கது. அவரது இன்ஸ்டாகிராம் பக்கத்தை 3 மில்லியனுக்கும் அதிகமானோர் ஃபாலோ செய்து வருகிறார்கள் என்பது குறிப்பிடத்தக்கது
இந்த நிலையில் தனது இன்ஸ்டாகிராமில் அவ்வப்போது தனது குடும்பம், தனது குழந்தையின் புகைப்படங்களையும் வீடியோக்களையும் பதிவு செய்து வரும் ஆலியா மானசா, சற்றுமுன் பைக் ஓட்டும் வீடியோவை பதிவு செய்துள்ளார். மிக லாவகமாக அவர் பைக் ஓட்டும் காட்சியை பார்த்து ரசிகர்கள் அவருக்கு வாழ்த்து தெரிவித்து வருகின்றனர்.
ஏற்கனவே கடந்த சில நாட்களுக்கு முன்னர் நடிகை ராய் லட்சுமி பைக் ஓட்டிய வீடியோ வைரல் ஆன நிலையில் தற்போது இந்த வீடியோவும் வைரலாகி வருகிறது என்பது குறிப்பிடத்தக்கது.