డిటెక్టివ్ సీక్వెల్ రెడీ
- IndiaGlitz, [Monday,April 15 2019]
డిటెక్టివ్ చిత్రం గుర్తుందా.. ఈ మ‌ధ్య కాలంలో విశాల్ కెరీర్లో ఊపు తెచ్చిన సినిమా. షెర్లాక్ హోమ్స్ త‌ర‌హా సినిమా అది. మిస్కిన్ ద‌ర్శ‌క‌త్వం వ‌హించారు. విశాల్, ప్ర‌స‌న్న, అను ఇమ్మాన్యుయేల్ న‌టించారు.
ఈ సినిమాకు సీక్వెల్ సిద్ధ‌మ‌వుతోంది. మిస్కిన్ తాజా క‌థ‌ను సిద్ధం చేశారు.ఇటీవ‌ల విశాల్‌ను క‌లిసి పూర్తి నెరేష‌న్ కూడా ఇచ్చారు. ప్ర‌స్తుతం విశాల్, త‌మ‌న్నా క‌లిసి విదేశాల్లో ఆడిపాడుతున్నారు.
సుంద‌ర్‌.సి. ద‌ర్శ‌క‌త్వంలో వారిద్ద‌రి కాంబినేష‌న్‌లో సినిమా రూపొందుతోన్న సంగ‌తి తెలిసిందే. డిటెక్టివ్ లో అద్వైత భూష‌ణ్ గా న‌టించిన విశాల్ అదే పాత్ర‌లో కొన‌సాగ‌నున్నార‌ట. సిమ్ర‌న్ పాత్ర ఉంటుందా? లేదా? అనేది ఇంకా తెలియాల్సి ఉంది. ఆండ్రియా పాత్ర కూడా తొలి భాగం లోనే పూర్త‌యింది. విన‌య్ పాత్ర‌ను కొన‌సాగిస్తారా? లేకుంటే పూర్తిగా కొత్త క‌థ‌తో మొద‌లుపెడ‌తారా అనేది తెలియాల్సి ఉంది.