సుధీర్ సెంటిమెంట్ క‌లిసొచ్చింది
- IndiaGlitz, [Monday,June 18 2018]
'ఏమాయ చేసావె' చిత్రంలో స‌మంత అన్న పాత్ర‌లో మెరిసిన సుధీర్ బాబు.. 2012లో విడుద‌లైన 'ఎస్.ఎం.ఎస్' చిత్రంతో కథానాయకుడిగా తొలి అడుగులు వేశారు. హీరోగా చేసిన రెండో చిత్రం 'ప్రేమ‌క‌థా చిత్ర‌మ్' మంచి విజ‌యం సాధించ‌డంతో.. ఇక వెనుతిరిగి చూడాల్సిన అవ‌స‌రం రాలేదు. అయితే.. ఆ త‌రువాత ఆ స్థాయి విజ‌యం గానీ, గుర్తింపుగానీ మ‌రే సినిమా విష‌యంలోనూ రాలేదు.
ఆ లోటుని 5 ఏళ్ళ త‌రువాత తీర్చివేసిన చిత్రంగా 'స‌మ్మోహ‌నం'ని చెప్పుకోవ‌చ్చు. ఇంద్ర‌గంటి మోహ‌న‌కృష్ణ రూపొందించిన ఈ సినిమా జూన్ 15న విడుద‌లై మంచి టాక్ తెచ్చుకుంది. అంతేగాకుండా.. సుధీర్‌కు న‌టుడిగా మంచి గుర్తింపు తెచ్చింది. ఆస‌క్తిక‌ర‌మైన విష‌య‌మేమిటంటే.. 'ప్రేమ‌క‌థా చిత్ర‌మ్' విడుద‌లైన జూన్ ప్ర‌థ‌మార్థంలోనే స‌మ్మోహ‌నం కూడా రిలీజ్ కావ‌డం. మొత్తానికి.. సుధీర్‌కు జూన్ ఫ‌స్టాఫ్ సెంటిమెంట్ మ‌రోసారి క‌లిసొచ్చింద‌న్న‌మాట.