சூர்யா-விக்னேஷ்சிவன் படத்தில் இணைந்த பழம்பெரும் காமெடி நடிகர்
- IndiaGlitz, [Friday,November 25 2016]
'எஸ் 3' படத்தை அடுத்து விக்னேஷ் சிவன் இயக்கத்தில் சூர்யா நடித்து வரும் 'தானா சேர்ந்த கூட்டம்' படத்தின் படப்பிடிப்பு காரைக்குடியில் விறுவிறுப்பாக நடைபெற்று வருகிறது. சூர்யாவுக்கு ஜோடியாக முதன்முதலில் கீர்த்திசுரேஷ் இந்த படத்தில் நடித்து வருகிறார்.
இந்நிலையில் நீண்ட இடைவெளிக்கு பின்னர் இந்த படத்தில் சுரேஷ் மேனன் நடித்து வருகிறார் என்பதை சமீபத்தில் பார்த்தோம். இதேபோல் நீண்ட இடைவெளிக்கு பின்னர் பழம்பெரும் காமெடி நடிகர் செந்தில் தற்போது இந்த படத்தில் இணைந்துள்ளார்.
சபாரி சூட் உடன் செந்தில் இந்த படத்தின் குழுவினர்களுடன் இருக்கும் புகைப்படம் இணையதளங்களில் வெளிவந்துள்ளது. சுரேஷ் மேனன், செந்தில் இணைந்ததை அடுத்து வேறு நட்சத்திரங்கள் இந்த படத்தில் இணைவார்களா? என்பதை பொறுத்திருந்து பார்ப்போம்