ద‌ర్శ‌క‌ర‌త్న దాస‌రి ని క‌ల‌సిన‌ సంచ‌ల‌న ద‌ర్శ‌కుడు ఎవ‌రో కాదు...రామ్ గోపాల్ వ‌ర్మ‌. నిన్నసాయంత్రం దాస‌రి, వ‌ర్మ క‌లిసారు. రామ్ గోపాల్ వ‌ర్మ ఇటీవ‌ల కాలంలోఐస్ క్రీమ్..ఐస్ క్రీమ్ 2 అంటూ చాలా సినిమాలు తీసినా..స‌రైన స‌క్సెస్ సాధించ‌లేక‌పోయారు. అయితే గంధ‌పు చెక్క‌ల స్మ‌గ్ల‌ర్ వీర‌ప్ప‌న్ జీవిత క‌థ‌తో వ‌ర్మ తెర‌కెక్కించిన కిల్లింగ్ వీర‌ప్ప‌న్ సినిమా విజ‌యం సాధించింది. క‌న్న‌డ తో పాటు తెలుగులో కూడా మంచి విజ‌యాన్ని సాధించ‌డం విశేషం.

ఈ సంద‌ర్భాన్ని పుర‌స్క‌రించుకుని వ‌ర్మ దాస‌రిని నివాసానికి వెళ్లి క‌లిసారు. ఈ విష‌యాన్ని దాస‌రి త‌న ఫేస్ బుక్ ద్వారా తెలియ‌చేస్తూ...వ‌ర్మ క‌లిసాడు. త్వ‌ర‌లో కిల్లింగ్ వీర‌ప్ప‌న్ సినిమా చూస్తాను అంటూ దాస‌రి, వ‌ర్మ ఉన్న ఫోటో పోస్ట్ చేసారు. మ‌రి..ఎప్పుడూ...ట్విట్ట‌ర్ లో సంద‌డి చేసే వ‌ర్మ‌..దాస‌రిని క‌లిసిన విష‌యం పై ఇంకా స్పందించ‌లేదు ఎందుక‌నో..?