మహేష్ కి స్టోరీ లైన్ చెప్పిన సంచలన దర్శకుడు
- IndiaGlitz, [Saturday,January 20 2018]
అర్జున్ రెడ్డి' సినిమాతో తెలుగు ఇండస్ట్రీతో పాటు.. ఇత‌ర ప‌రిశ్ర‌మ‌ల దృష్టిని కూడా తన వైపు తిప్పుకున్న డైరెక్టర్ సందీప్ రెడ్డి వంగ. ఈ సినిమా సంచలన విజయం సాధించడంతో.. ఈ దర్శకుడితో సినిమాలు చేయడానికి ప్రముఖ నిర్మాతలు, హీరోలు కూడా ఆస‌క్తిగా ఎదురుచూస్తున్నారు. కాగా... అర్జున్ రెడ్డి' సినిమాని హిందీలో రీమేక్ చేయడానికి సందీప్ సిద్ధపడిపోయారు.
బాలీవుడ్ హీరో అర్జున్ కపూర్ కథానాయకుడిగా ఈ సినిమాని తెరకెక్కిస్తున్నార‌ని హిందీ చిత్ర వర్గాలు పేర్కొంటున్నాయి. వచ్చే నెల నుంచి రెగ్యులర్ షూటింగ్ కూడా జరుపుకోనుంది ఈ చిత్రం. ఇదిలా ఉంటే....తాజాగా మహేష్ బాబుకి సందీప్ ఒక స్టోరీ లైన్ వినిపించారని సమాచారం. అది నచ్చి పూర్తి స్థాయిలో కథను సిద్ధం చేసుకోమని మహేష్ కూడా చెప్పారంట. వంశీ పైడిపల్లి సినిమా తర్వాత ఈ చిత్రాన్ని పట్టాలెక్కించే అవకాశాలున్నట్లు తెలుస్తోంది. ఈ లోగా అర్జున్ రెడ్డి' హిందీ రీమేక్ కూడా పూర్తి చేసుకుని...మహేష్ కోసం సిద్ధంచేసిన కథపై సందీప్ పూర్తిగా దృష్టి పెట్టనున్నట్లు సన్నిహిత వర్గాలు వెల్లడిస్తున్నాయి.