యు ఎస్‌లో 'క‌బాలి' సంచ‌ల‌నం
- IndiaGlitz, [Wednesday,July 13 2016]
సూప‌ర్‌స్టార్ ర‌జ‌నీకాంత్ హీరోగా పా రంజిత్ ద‌ర్శ‌క‌త్వంలో రూపొందిన చిత్రం క‌బాలి. మ‌లేషియా బ్యాక్‌డ్రాప్‌లో సాగే మాఫియా డాన్‌గా ర‌జ‌నీకాంత్ న‌టిస్తుండ‌టంతో సినిమాపై భారీ అంచ‌నాలు నెల‌కొన్నాయి. సెన్సార్ స‌హా అన్నీ కార్య‌క్ర‌మాల‌ను పూర్తి చేసుకున్న ఈ చిత్రం జూలై 22న విడుద‌ల‌వుతుంది.
యు.ఎస్‌. ఇంత‌కుముందెన్న‌డూ లేని విధంగా ర‌జ‌నీకాంత్ కెరీర్‌లో హయ్య‌స్ట్‌గా 400 థియేట‌ర్స్‌ లో సినిమా విడుద‌ల‌వుతుంద‌ని థెరి(తెలుగులో పోలీస్‌), 24 చిత్రాలు స‌హా ప‌లు భారీ చిత్రాల‌ను పంపిణీ చేసిన పంపిణీదారులు సినీ గెలాక్సి ప్ర‌తినిధులు తెలియ‌జేశారు. తెలుగు, త‌మిళం స‌హా 400 థియేట‌ర్స్‌లో సినిమా విడుద‌ల‌వుతుంద‌ని, అలాగే ప్రీమియ‌ర్ షో వేయ‌డానికి కూడా సన్నాహాలు జ‌రుగుతున్నాయ‌ని వారు అన్నారు. తెలుగు, త‌మిళం, హిందీ భాష‌ల్లో వ‌ర‌ల్డ్ వైడ్‌గా గ్రాండ్ రిలీజ్ అవుతున్న ఈ చిత్రం రిలీజ్ త‌ర్వాత ఎన్ని రికార్డులు క్రియేట్ చేస్తుందో చూడాలి.