బ‌యోపిక్‌ల గురించి సీనియ‌ర్ డైరెక్ట‌ర్ కామెంట్స్
- IndiaGlitz, [Sunday,August 05 2018]
సీనియ‌ర్ డైరెక్ట‌ర్ సింగీతం శ్రీనివాస‌రావు సినీ, రాజ‌కీయ, క్రీడా ప్ర‌ముఖుల గురించి రూపొందుతోన్న బ‌యోపిక్‌ల‌పై కామెంట్స్ చేయ‌డం గ‌మ‌నార్హం. 'బ‌యోపిక్స్‌లో వాస్త‌విక‌త కంటే నాట‌కీయ‌తే ప్రాధాన్యం పెరుగుతుంది. బ‌యోపిక్స్‌ల‌ను డాక్యుమెంట‌రీస్‌గా తీస్తే బావుంటుంది. కానీ ఆద‌ర‌ణ ద‌క్క‌దు. వాటికి క‌మ‌ర్షియ‌ల్ అంశాలు, నాట‌కీయ‌తను జోడించ‌డంతో వాస్త‌వాలు మ‌రుగున ప‌డిపోతున్నాయి' అంటూ గుంటూరులోని ఓ ప్రైవేట్ కార్య‌క్ర‌మంలో పాల్గొన్న సింగీతం శ్రీనివాస‌రావు పేర్కొన‌డం గ‌మ‌నార్హం. కానీ ఈ వాఖ్య‌ల సంద‌ర్భంలో ఆయ‌న ఎవ‌రినీ, ఏ సినిమాని కానీ ప్ర‌స్తావించలేదు.