தமிழ் திரை உலகிற்கு கடந்த சில நாட்களாக போதாத காலம் என்பதால் பிரபலங்கள் பலர் உயிரிழந்து வருகின்றனர் என்பதை பார்த்து வருகிறோம். குறிப்பாக பிரபல நடிகர் விவேக், பிரபல இயக்குனர் தாமிரா ஆகியோர் கடந்த சில நாட்களில் அடுத்தடுத்து காலமான நிலையில் இன்று அதிகாலை இயக்குநர் கேவி ஆனந்த் அவர்கள் மாரடைப்பால் உயிரிழந்தார்

அடுத்தடுத்து திரையுலகில் பிரபலங்கள் உயிரிழந்து வருவது திரையுலகை அதிர்ச்சி அடைய செய்துள்ளது. இந்த நிலையில் சற்று முன் வெளியான தகவலின் படி தமிழ் சீனியர் நடிகர் செல்லத்துரை என்பவர் காலமானார். அவருக்கு வயது 84. நேற்று இரவு அவர் தனது இல்லத்தில் காலமானதாக தகவல்கள் வெளிவந்துள்ளன

சீனியர் நடிகர் செல்லத்துரை அவர்கள் விஜய் நடித்த ’தெறி’ ‘கத்தி’ உள்பட பல படங்களில் குணசித்திர வேடங்களில் நடித்துள்ளார் என்பது குறிப்பிடத்தக்கது. நடிகர் செல்லத்துரை அவர்களின் மறைவை அடுத்து திரையுலகினர் அவருக்கு இரங்கல் தெரிவித்து வருகின்றனர்