அதர்வா நடித்து, தயாரித்து வரும் 'செம போத ஆகாதே' திரைப்படத்தின் படப்பிடிப்பு கடந்த ஆண்டு ஆரம்பித்து தற்போது இறுதிக்கட்டத்தை எட்டியுள்ளது. இந்த நிலையில் இந்த படத்தின் பாடல்கள் மற்றும் டிரைலர் வெளியாகும் தேதியை அதர்வா தனது சமூக வலைத்தளத்தில் அறிவித்துள்ளார்

யுவன்ஷங்கர் ராஜா இசையமைத்த பாடல்கள் வரும் நவம்பர் 22ஆம் தேதி அதாவது நாளை மறுநாள் புதன்கிழமை வெளியாவுள்ளதாகவும், அன்றே இந்த படத்தின் டிரைலரும் வெளியிட திட்டமிட்டுள்ளதாகவும் அதர்வா அறிவித்துள்ளார்.

அதர்வா, மிஷ்தி, அர்ஜெய், விரோஷன், அனைகா சோட்டி, ஜான் விஜய், கருணாகரன், எம்.எஸ்.பாஸ்கர், மனோபாலா உள்ளிட்ட பலர் நடித்துள்ள இந்த படத்தை பத்ரி வெங்கடேஷ் இயக்கி வருகிறார். இவர்தான் அதர்வா அறிமுகமான 'பாணா காத்தாடி' படத்தை இயக்கியவர் என்பது குறிப்பிடத்தக்கது. கோபி அமர்நாத் ஒளிப்பதிவில், பிரவீண் கே.எல் படத்தொகுப்பில் இந்த படம் வளர்ந்து வருகிறது.