'கான்' படத்திற்கு மீண்டும் திரும்புகிறாரா செல்வராகவன்?
- IndiaGlitz, [Monday,June 06 2016]
பிரபல இயக்குனர் செல்வராகவன் இயக்கத்தில் சிம்பு நடித்து வந்த 'கான்' திரைப்படம் ஒருசில வாரங்கள் மட்டுமே படப்பிடிப்பு நடத்தப்பட்ட நிலையில் திடீரென கைவிடப்பட்டதாக செய்திகள் வெளிவந்தது. ஆனால் அப்போது விளக்கம் கூறிய செல்வராகவன் 'கான்' திரைப்படம் கைவிடப்படவில்லை என்றும் ஒரு சிறு இடைவெளிக்கு பின்னர் மீண்டும் தொடரவுள்ளதாகவும் தெரிவித்தார்.
இந்நிலையில் தற்போது எஸ்.ஜே.சூர்யா, ரெஜினி, நந்திதா நடிப்பில் செல்வராகவன் 'நெஞ்சம் மறப்பதில்லை' என்ற படத்தை இயக்கி வருகிரார். இந்த படத்தை பிரபல இயக்குனர் கவுதம்மேனன் தயாரிக்கின்றார். இந்த படத்தின் படப்பிடிப்பு இறுதிக்கட்டத்தை நெருங்கியுள்ளதாக கூறப்படுகிறது.
இந்நிலையில் மீண்டும் 'கான்' படத்தை செல்வராகவன் தொடங்கவுள்ளதாக செய்திகள் வந்துள்ளது. 'நெஞ்சம் மறப்பதில்லை' படத்தை முடித்துவிட்டு அவர் 'கான்' படத்தை தொடரவுள்ளதாகவும் இதுகுறித்த அறிவிப்பு விரைவில் வெளிவரும் என்றும் கூறப்படுகிறது.