விஜய்-செல்வராகவன் திடீர் சந்திப்பு. அடுத்த படத்தை இயக்குவாரா?
- IndiaGlitz, [Tuesday,September 06 2016]
இளைதளபதி விஜய் நடித்து வரும் 'பைரவா' படத்தின் படப்பிடிப்பு ஏற்கனவே 70% முடிந்துவிட்ட நிலையில் இந்த படத்தின் மொத்த படப்பிடிப்பு வரும் அக்டோபருக்குள் முடிந்துவிடும் என்று கூறப்படுகிறது. இந்த படம் வரும் பொங்கல் திருநாளில் வெளியீடு என்று முடிவு செய்யப்பட்டுவிட்டதால் படக்குழுவினர் இரவு பகலாக படப்பிடிப்புகளில் தீவிரமாக உள்ளனர்.
இந்நிலையில் விஜய்யின் 61வது படத்தை இயக்குபவர் யார் என்பது குறித்த கேள்வி எழுந்துள்ளது. விஜய்யின் அடுத்த படத்தை அட்லி இயக்குவார் என்றும் இந்த படத்தை சிவாஜி புரடொக்ஷன்ஸ் நிறுவனம் தயாரிக்கும் என்றும் ஏற்கனவே செய்திகள் வெளியானது.
இந்த நிலையில் சமீபத்தில் பிரபல இயக்குனர் செல்வராகவன் விஜய்யை நேரில் சந்தித்து கதை கூறியதாக கூறப்படுகிறது. செல்வராகவனின் கதையை கேட்ட விஜய் என்ன பதில் கூறினார் என்பது இதுவரை தெரியவில்லை. இருப்பினும் செல்வராகவனின் தரம் மற்றும் விஜய்யின் மாஸ் ஒருங்கே இணைந்தால் தமிழ் சினிமாவின் மிக முக்கிய படமாக இது கருதப்படும். எனவே இதுகுறித்த அதிகாரபூர்வ தகவல் வெளிவரும்வரை பொறுமை காப்போம்.