இயக்குனர் செல்வராகவன் தனது இன்ஸ்டாகிராம் பக்கத்தில் தனது மனைவி தன்னை திட்டிக் கொண்டே இருப்பதாக வீடியோ ஒன்றை வெளியிட்டுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது.

‘காதல் கொண்டேன்’ என்ற திரைப்படத்தின் மூலம் இயக்குனராக அறிமுகமான செல்வராகவன் அதன் பிறகு பல வெற்றி படங்களை இயக்கியுள்ளார் என்பதும் தற்போது அவர் சில படங்களில் நடித்து வருகிறார் என்பதும் குறிப்பிடத்தக்கது.

இந்த நிலையில் நடிகை சோனியா அகர்வாலை திருமணம் செய்த செல்வராகவன் அவரை விவாகரத்து செய்துவிட்டு கடந்த 2011 ஆம் ஆண்டு கீதாஞ்சலி என்பவரை திருமணம் செய்து கொண்டார். இந்த தம்பதிக்கு மூன்று குழந்தைகள் உள்ளனர்.

இந்த நிலையில் சமூக வலைதளங்களில் ஆக்டிவாக இருக்கும் செல்வராகவனுக்கு ஆயிரக்கணக்கான ஃபாலோயர்கள் உள்ள நிலையில் அவ்வப்போது தனது குடும்ப புகைப்படத்தை பதிவு செய்து வருவார். இந்நிலையில் சற்றுமுன் அவர் பதிவு செய்த வீடியோவில் ’நீ இருந்தும் உன் கூட இருக்க முடியல, நீ இல்லாமலும் என்னால இருக்க முடியல, நான் என்ன பண்றது என்று எனக்கு தெரியல, ஏன்னா நீ என்னை திட்டிக்கிட்டே இருக்க, நிறுத்து’ என்று செல்லமாக சண்டை போட்டு இருக்கும் வீடியோவை வெளியிட்டுள்ளார். இந்த வீடியோ தற்போது இணையத்தில் வைரல் ஆகி வருகிறது.

இந்நிலையில் செல்வராகவன் தற்போது ‘7ஜி ரெயின்போ காலனி 2’ என்ற படத்தை இயக்கி வருகிறார் என்பதும் அதுமட்டுமின்றி தனுஷின் இயக்கத்தில் உருவாகியுள்ள ’ராயன்’ என்ற படத்தில் ஒரு முக்கிய கேரக்டரில் நடித்துள்ளார் என்பதும் குறிப்பிடத்தக்கது.

View this post on Instagram

A post shared by Selvaraghavan (@selvaraghavan)