பிரபல இயக்குனர் செல்வராகவன் இயக்கத்தில் ஜிவி பிரகாஷ் நடிப்பில் உருவாக இருக்கும் "மெண்டல் மனதில்" என்ற படம் குறித்த அறிவிப்பு சமீபத்தில் வெளியான நிலையில், தற்போது செல்வராகவன் இயக்கத்தில் உருவாகும் இன்னொரு படம் குறித்த அறிவிப்பை யுவன் சங்கர் ராஜா வெளியிட்டு புதிய போஸ்டர் வெளியிட்டுள்ளார்.

செல்வராகவன் இயக்கத்தில் ரவி கிருஷ்ணா, சோனியா அகர்வால் நடிப்பில் உருவான "7G ரெயின்போ காலனி" என்ற திரைப்படம் கடந்த 2004 ஆம் ஆண்டு வெளியாகி, நல்ல வரவேற்பை பெற்றது. இந்த படத்தின் இரண்டாம் பாகம் உருவாகி வருவதாக கூறப்பட்ட நிலையில், சமீபத்தில் சமூக வலைதளங்களில் இந்த படம் கைவிடப்பட்டதாக கூறப்பட்டது.

இந்த நிலையில், இந்த வதந்தியை பொய்யாக்கும் வகையில் இசையமைப்பாளர் யுவன் சங்கர் ராஜா தனது சமூக வலைத்தளத்தில் "7ஜி ரெயின்போ காலனி" படத்தின் இரண்டாம் பாகத்தின் பர்ஸ்ட் போஸ்டரை வெளியிட்டுள்ளார். மேலும், இந்த படத்தின் படப்பிடிப்பு இறுதி கட்டத்தை நோக்கி சென்று கொண்டிருப்பதாகவும் அந்த போஸ்டரில் குறிப்பிடப்பட்டுள்ளது. எனவே, "7ஜி ரெயின்போ காலனி 2" திரைப்படம் உறுதி ஆகி உள்ளது.

ஏற்கனவே ஜிவி பிரகாஷ் நடித்து, இசை அமைத்து, தயாரிக்கும் "மெண்டல் மனதில்" திரைப்படத்தையும் அவர் இயக்கி வரும் நிலையில், அடுத்தடுத்து 2025 ஆம் ஆண்டில் இரண்டு செல்வராகவன் படங்கள் வெளியாவதற்கு உறுதி செய்யப்பட்டுள்ளது.