அட்லியின் அடுத்த படத்தில் செல்வராகவன் படத்தில் நடித்த நடிகை நடிக்க இருப்பதாக தகவல் வெளியாகி உள்ளன.

அட்லி இயக்கத்தில் விஜய் நடிப்பில் கடந்த 2016 ஆம் ஆண்டு வெளியான திரைப்படம் ’தெறி’. இந்த படத்தின் நாயகிகளாக சமந்தா, எமி ஜாக்சன் நடித்த நிலையில் இந்த படம் சூப்பர் ஹிட் ஆனது என்பது தெரிந்ததே.

இந்த நிலையில் சமீபத்தில் இந்த படத்தின் இந்தி ரீமேக் குறித்த தகவல் வெளியானது என்பதும் இந்த படத்தை ஜீவா நடித்த ’கீ’ என்ற படத்தை இயக்கிய காளிஸ் இயக்குகிறார் என்றும் கூறப்பட்டது.

அட்லி தயாரிப்பில் உருவாகும் இந்த படத்தில் விஜய் கேரக்டரில் வருண் தவான் நடிக்க இருப்பதாகவும் நாயகியாக கீர்த்தி சுரேஷ் நடிக்க உள்ளதாகவும் கூறப்பட்டது. இந்த நிலையில் தற்போது இன்னொரு நாயகியாக வாமிகா கபி ஒப்பந்தமாகியுள்ளார்.

இவர் ஏற்கனவே செல்வராகவன் எழுத்தில் அவரது மனைவி கீதா செல்வராகவன் இயக்கத்தில் உருவான ’மாலை நேரத்து மயக்கம்’ என்ற படத்தில் நடித்திருந்தார். தற்போது அவர் ஜெயம் ரவி நடிக்க இருக்கும் ’ஜெனி’ என்ற திரைப்படத்தில் மூன்று நாயகிகளில் ஒருவராக நடிக்கிறார் என்பது குறிப்பிடத்தக்கது.