திடீரென கெட்டப் மாறிய செல்வராகவன்: ஹீரோ போல் அசத்தும் புகைப்படங்கள்!
- IndiaGlitz, [Wednesday,July 20 2022]
பிரபல இயக்குனர் செல்வராகவன் திடீரென கெட்டப் மாறிய புகைப்படத்தை இன்ஸ்டாகிராமில் பதிவு செய்துள்ள நிலையில் அந்த புகைப்படத்தை பார்த்து ரசிகர்கள் ஆச்சரியமடைந்தனர்.
பிரபல இயக்குனர் செல்வராகவன் எப்போதும் தாடியுடன் இருக்கும் நிலையில் திடீரென அவர் தாடி மீசையை எடுத்துவிட்டு ஹீரோ போல் இளமை தோற்றத்தில் அசத்தலாக இருக்கும் புகைப்படத்தை வெளியிட்டுள்ளார்.
இதற்கு முன் இருந்த கெட்டப் மற்றும் தற்போது உள்ள கெட்டப் என இரண்டு புகைப்படங்களை பதிவு செய்துள்ளதை பார்த்த ரசிகர்கள் செல்வராகவன் ஹீரோவாக நடிக்கலாம் என்றும் அவரது தோற்றம் அசத்தலாக இருப்பதாகவும் கருத்து தெரிவித்து வருகின்றனர்.
சமீபத்தில் மோகன் ஜி இயக்கி வரும் ‘பகாசூரன்’ படத்தின் படப்பிடிப்பை முடித்துவிட்ட செல்வராகவன் தற்போது கெட்டப் மாறியுள்ளதை பார்க்கும்போது வேறு ஏதேனும் திரைப்படத்தில் அவர் ஹீரோவாக நடிக்க உள்ளாரா? என்ற கேள்வியை ரசிகர்கள் எழுப்பியுள்ளனர்.
இந்த நிலையில் தனுஷ் நடிப்பில் செல்வராகவன் இயக்கத்தில் உருவாகியுள்ள ’நானே வருவேன்’ என்ற படத்தின் படப்பிடிப்பு சமீபத்தில் முடிவடைந்து தற்போது தொழில்நுட்ப பணிகள் விறுவிறுப்பாக நடைபெற்று வருகிறது. விரைவில் இந்த படம் உலகம் முழுவதும் திரையரங்குகளில் வெளியாக உள்ளது என்பது குறிப்பிடத்தக்கது.