రోజాకు రెండు మేజర్ సర్జరీలు : వెల్లడించిన సెల్వమణి
- IndiaGlitz, [Monday,March 29 2021]
నగరి ఎమ్మెల్యే రోజాకు సడెన్‌గా ఏమైందో తెలియదు కానీ ఆమె ఒకటి కాదు రెండు అది కూడా మేజర్ సర్జరీలు చేయించుకున్నారని ఆమె భర్త సెల్వమణి ఓ ఆడియో వాయిస్‌ను విడుదల చేశారు. చెన్నైలోని ఓ ప్రైవేట్ ఆసుపత్రిలో రోజాకు ఈ ఆపరేషన్లు జరిగాయని ఆయన వెల్లడించారు. ప్రస్తుతం రోజా కోలుకుంటున్నారని.. ఐసీయూ నుంచి సోమవారం వార్డుకు తరలించారని చెప్పారు. మరో రెండు వారాల పాటు రోజాకు పూర్తి విశ్రాంతి తీసుకుంటారని వెల్లడిస్తూ సెల్వమణి ఆమె ఆరోగ్యంపై ఆడియో టేప్ విడుదల చేశారు.
నిజానికి రోజాకు ఇది వరకే ఈ ఆపరేషన్లు నిర్వహించాల్సి ఉందట. కానీ గతేడాది కరోనా, జనవరిలో ఎన్నికల కారణంగా వాయిదా వేశారని సెల్వమణి వెల్లడించారు. ప్రస్తుతం ఆమె ఆరోగ్యం కుదుటపడుతోందని.. క్రమంగా కోలుకుంటున్నారని సందర్శకులు ఎవ్వరూ ఆసుపత్రికి రావొద్దని విజ్ఞప్తి చేశారు. రోజా ఆరోగ్య పరిస్థితిపై నియోజకవర్గ ప్రజానీకం ఆందోళన చెందవద్దని పేర్కొన్నారు. అయితే అసలు రోజాకు ఏమైంది? ఏ సర్జరీలు చేయించుకున్నారన్నది మాత్రం సెల్వమణి వెల్లడించలేదు.